Frammistöðuávinningur hjá Alcoa Fjarðaáli : hvaða áhrif hefur hann á frammistöðu, helgun og starfsánægju?

Í krefjandi starfsumhverfi skipulagsheilda er fjárhagsleg umbun algeng leið til að hvetja starfsmenn áfram. Þannig vilja skipulagsheildir stuðla að aukinni starfsánægju og helgun starfsmanna sem skilar sér í betri frammistöðu þeirra og þar af leiðandi betri árangri skipulagsheildarinnar. Alcoa Fjarðaál á Reyðarfirði er eitt þeirra fyrirtækja sem er með umbunarkerfi og kallast það frammistöðuávinningur. Tilgangurinn með frammistöðuávinningskerfinu er að stuðla að betri árangri Fjarðaáls þannig að starfsmenn njóti þess í fjárhagslegum ábata og fyrirtækið í betri afkomu. Rannsóknir sýna að ef hönnun slíkra kerfa er góð þá hafi þau jákvæð áhrif á frammistöðu, framleiðni og starfsánægju og góð áhrif á afkomu skipulagsheildarinnar. Í þessari rannsókn er frammistöðuávinningskerfið hjá Fjarðaáli rýnt en markmiðið er að skoða hvaða áhrif frammistöðuávinningur hefur á frammistöðu, teymisvinnu, starfsánægju og helgun starfsmanna. Rannsóknin er tilvikarannsókn og voru tekin hálfopin viðtöl við tólf starfsmenn Fjarðaáls, bæði stjórnendur og almenna starfsmenn og í kjölfarið voru viðtölin þemagreind. Einnig var rýnt í ýmis fyrirliggjandi gögn hjá Fjarðáli um frammistöðuávinninginn og fleira efni honum tengt. Niðurstöður rannsóknarinnar benda til þess að í einhverjum tilfellum hafi ákveðnir mælikvarðar í frammistöðuávinningi skilað árangri. Hins vegar, þegar á heildina er litið, benda niðurstöður til þess að áhrif frammistöðuávinnings á teymisvinnu og frammistöðu séu takmörkuð og mögulega geti hann leitt til minni starfsánægju og helgunar á meðal starfsmanna.

Author dc:creator

• Sigurður Gunnarsson 1969-

Contributors dc:contributor

• Háskólinn á Bifröst

• Meistaraprófsritgerðir
• Viðskiptafræði
• Mannauðsstjórnun
• Frammistöðumat
• Launakerfi
• Starfshvatning

Language dc:language.iso

is

Handle dc:identifier.uri

http://hdl.handle.net/1946/40557

OAI identifier oai:identifier

oai:skemman.is:1946/40557