Sönglög til málörvunar í íslensku : með börnum af pólskum uppruna

Í þessari ritgerð er lagður fræðilegur grunnur að námsefni með tónlist, sem er samið sérstaklega fyrir leikskólabörn hér á landi sem eiga pólsku að móðurmáli. Námsefnið hefur það meginmarkmið að styrkja orðaforða og tjáningarfærni barnanna í íslensku. Pólska og íslenska eru ólík tungumál hvað hljóðfræði, orðaáherslur, beygingar sagna og fallbeygingu, kyn orða, setningaskipan og orðaforða. Því er tilgangur námsefnisins að vinna markvisst með það sem er ólíkt í tungumálunum. Námsefnið samanstendur af fimm lögum og grundvallast í fyrsta lagi af mikilvægi orðaforða fyrir máltöku barna. Við val á orðum var tekið mið af orðtíðniorðabókinni Tíðni orða í tali barna. Í öðru lagi er námsefnið byggt á því sem er hljóð- og málfræðilega ólíkt milli pólsku og íslensku. Sérstök áhersla er lögð á ólík málhljóð, orð sem hafa ekki sama kyn, orðaáherslur og framburð orða. Einn hluti námsefnisins grundvallast á sjónrænni uppsetningu og fylgja myndir og myndband með hverju lagi. Myndirnar eru hugsaðar fyrir kennara til að setja lagið upp á sjónrænan máta til að auka líkur á að börnin tileinki sér orðaforða lagsins. Myndböndin er ætluð fjölskyldum barnanna, þannig að börnin hafi möguleika á að efla íslenskufærni sína líka utan leikskólans. Námsefnið verður birt á heimasíðunni krakkakunst.com og verður aðgengilegt öllum án endurgjalds.

Author dc:creator

• Ingibjörg Sólrún Ágústsdóttir 1992-

Contributors dc:contributor

• Háskóli Íslands

• Meistaraprófsritgerðir
• Leikskólakennarafræði
• Málörvun
• Sönglög
• Pólverjar
• Leikskólabörn
• Orðaforði
• Myndefni
• Vefsíður

Language dc:language.iso

is

Handle dc:identifier.uri

http://hdl.handle.net/1946/45519

OAI identifier oai:identifier

oai:skemman.is:1946/45519