Áhrif tónlistar á nám og líðan nemenda

Í þessari rannsókn er sjónum beint að því hvernig unglingar nýta tónlist í námi og hvaða hlutverki hún gegnir í þeirra námsferli. Rannsóknin byggir á blandaðri aðferðafræði þar sem sameinaðar voru eigindlegar og megindlegar aðferðir. Lögð var fyrir stutt spurningakönnun meðal nemenda í unglingadeild Heiðarskóla í Hvalfirði til að afla bakgrunnsupplýsinga um tónlistarnotkun í námi. Að auki voru tekin viðtöl við bæði nemendur og kennara til að fá dýpri innsýn í viðhorf og reynslu þeirra af tónlist í skólastarfi. Heiðarskóli var valinn sem rannsóknarvettvangur vegna aðgengis og samvinnuvilja, en einnig vegna þess að hann endurspeglar íslenskan grunnskóla í minni samfélagseiningu þar sem skapandi starf og einstaklingsmiðað nám fá aukið vægi. Markmið rannsóknarinnar var að greina upplifun unglinga af tónlistarnotkun í tengslum við nám og sköpun, og meta hvort og hvernig tónlist getur stutt við einbeitingu, áhuga og sjálfstæða vinnu. Fræðilegur rammi rannsóknarinnar byggir á kenningum um flæði (Flow), sjálfsákvörðunarkenningu (Self-Determination Theory) og hugræna álagskenningu (Cognitive Load Theory). Niðurstöðurnar benda til þess að tónlist sé fyrir marga mikilvægt stuðningstæki í námi, þó áhrif hennar séu breytileg eftir aðstæðum, persónulegum þáttum og viðhorfum kennara. Rannsóknin varpar ljósi á hvernig tónlist getur haft áhrif á námsreynslu ungs fólks í nútímasamfélagi þar sem fjölbreyttar kröfur, tækninotkun og stöðugar truflanir hafa áhrif á einbeitingu og líðan. Rannsóknin gefur þannig dýpri skilning á hlutverki tónlistar í skólastarfi og getur nýst kennurum, foreldrum og fræðasamfélaginu við að þróa aðferðir sem stuðla að aukinni vellíðan, hvatningu og einbeitingu nemenda í námi. Lykilorð: Tónlist í námi; einbeiting; líðan nemenda; blönduð aðferðafræði; unglingar.

Author dc:creator

• Máni Björgvinsson 1985-

Contributors dc:contributor

• Háskólinn á Bifröst

• Tónlist
• Nám
• Einbeiting
• Líðan
• Unglingar
• Nemendur
• Grunnskólar

Language dc:language.iso

is

Handle dc:identifier.uri

https://hdl.handle.net/1946/52155

OAI identifier oai:identifier

oai:skemman.is:1946/52155