Áhrif skóla án aðgreiningar á vinnuumhverfi og líðan kennara

Tilgangur þessarar eigindlegu rannsóknar snýr að því að skoða helstu álags og streituvalda í kennarastarfinu og áhrif skóla án aðgreiningar á kennarastarfið. Tilgangur er líka að skoða hvaða bjargráðum kennarar búa yfir til þess að takast á við áskoranir skóla án aðgreiningar. Rannsóknin byggir á eigindlegri aðferðafræði og var unnin þemagreining á viðtölum við fimmtán grunnskólakennara úr ýmsum grunnskólum á höfuðborgarsvæðinu. Markmið rannsóknarinnar er að varpa ljósi á upplifun kennara af því hvaða þættir starfsins valda þeim helst álagi og streitu og hvaða áhrif kennarar telja að skóli án aðgreiningar hafi á kennarastarfið og hvaða bjargir eða úrræði standa þeim til boða. Með því er markmiðið að vekja kennara, skólastjórnendur og fræðsluyfirvöld til umhugsunar um þessi málefni með það fyrir augum að bæta starfsumhverfi og líðan kennara í starfi. Niðurstöður rannsóknarinnar sýna að helstu álagsþættir sem umsjónakennarar í grunnskólum upplifa eru fjölbreyttir nemendahópar, erfið agamál og krefjandi foreldrasamskipti. Skóli án aðgreiningar hefur talsverð áhrif á kennarastarfið og eykur það álag sem er á kennurum. Kennarar upplifa að þeir fái ekki nægan stuðning og að meira fjármagn þurfi inn í skólana til að geta gert betur í þessum málum. Lykilhugtök: Vellíðan í starfi, streita, kulnun, vinnuumhverfi, grunnskólakennari, bjargráð, skóli án aðgreiningar.

Author dc:creator

• Laufey Ósk Þórðardóttir 1973-

Contributors dc:contributor

• Háskólinn á Bifröst

• Vellíðan
• Starfsfólk
• Streita
• Kulnun
• Starfsumhverfi
• Grunnskólakennarar
• Bjargráð
• Skóli án aðgreiningar
• Well-being at work
• Stress
• Burnout
• Work environment
• Elementary school teacher
• Coping strategy
• Inclusive schooling

Language dc:language.iso

is

Handle dc:identifier.uri

https://hdl.handle.net/1946/51653

OAI identifier oai:identifier

oai:skemman.is:1946/51653