Áhugahvöt meðal nemenda sem hafa fengið kennslu samkvæmt aðferðinni Stærðfræði byggð á skilningi barna (CGI)

Í verkefninu er leitast við því að svara rannsóknarspurningunni ,,Hvers eðlis er áhugahvöt meðal nemenda sem hafa fengið kennslu samkvæmt aðferðinni Stærðfræði byggð á skilningi barna?“ Framkvæmd var tilviksrannsókn í Melaskóla hjá nemendum í 5. bekk. Bekkurinn er undir umsjón Kristjönu Skúladóttur og hefur hún tileinkað sér kennsluhætti í stærðfræði sem byggð er á skilningi barna. Hugsmíðihyggja hefur verið helsta uppspretta hugmynda um að nemendur eigi að læra stærðfræði með skilningi. Það er ábyrgð kennarans að leiða nemendur upp á æðri stig hugsunar þar sem þeir eru í aðalhlutverki og kennarinn skapar viðeigandi aðstæður til náms. Gengið er út frá sama útgangspunkti og nemendur vinna að verkefnum á eigin forsendum til þess að þroskast í námi. Til þess að svara rannsóknarspurningunni var sjónum fyrst og fremst beint að innri og ytri áhugahvöt nemenda og mikilvægi tungumálsins í stærðfræðinámi. Helstu niðurstöður rannsóknarinnar eru að nemendur sem iðka stærðfræði undir slíkri leiðsögn reynast vera jákvæðir gagnvart námsgreininni stærðfræði og námi í henni. Þeim virðist bæði þykja skemmtilegt og hvetjandi að glíma við námsefnið á sínum eigin forsendum þar sem stuðst er við fjölbreyttar kennsluaðferðir. Innri áhugahvöt virðist ríkjandi meðal nemenda sem hafa fengið slíka kennsluhætti. Niðurstöður tilviksrannsóknarinnar eru einnig í samræmi við þær rannsóknir sem áður hafa verið gerðar.

Author dc:creator

• Auður Böðvarsdóttir 1988-

Contributors dc:contributor

• Háskóli Íslands

• Grunnskólakennarafræði
• Stærðfræði
• Áhugahvöt

Language dc:language.iso

is

Handle dc:identifier.uri

http://hdl.handle.net/1946/16590

OAI identifier oai:identifier

oai:skemman.is:1946/16590