Hvað hvetur fólk í starfi?

Starfshvatning er hugtak sem hefur gjarnan verið fjallað um og rannsakað og þá sér í lagi áhrif hennar á starfsfólk og framleiðni fyrirtækja. Það er misjafnt hvað hvetur hvern og einn og er mikilvægt fyrir stjórnendur að kynna sér hvað hvetur fólk í starfi til þess að geta ákveðið hvaða leiðir séu viðeigandi í því að umbuna starfsmönnum. Markmið þessarar rannsóknar er að kanna hvað það er sem hvetur starfsfólk í starfi og hvort að munur sé á milli starfsmanna eftir kyni, aldri, starfsaldri, menntun, hjúskaparstöðu og hvort þeir eigi afkvæmi eða ekki. Markmiðið er einnig að athuga hvort að stjórnendur þeirra hafi sömu sýn á það hvað hvetji starfsmenn í starfi. Rannsóknin var lögð fyrir starfsmenn og stjórnendur hjá einu stærsta ráðgjafarfyrirtæki Íslands. Notast var við megindlega rannsóknaraðferð þar sem spurningalistar voru lagðir fyrir þátttakendur með rafrænu formi. Niðurstöðurnar leiddu í ljós að áhugavert starf var þátttakendum helsta hvatningin í starfi. Þar á eftir komu góð laun, starfsöryggi og góðar vinnuaðstæður. Mikilvægisröðun stjórnenda var ekki mjög ólík mikilvægisröðun starfsmanna. Hins vegar var að finna þó nokkurn mun á milli kynjanna, eftir aldri, starfsaldri, menntun, hjúskaparstöðu og hvort viðkomandi ætti börn eða ekki.

Author dc:creator

• Margrét Kristjana Jónsdóttir 1983-

Contributors dc:contributor

• Háskólinn á Bifröst

• Viðskiptafræði
• Mannauðsstjórnun
• Starfsánægja

Language dc:language.iso

is

Handle dc:identifier.uri

http://hdl.handle.net/1946/14183

OAI identifier oai:identifier

oai:skemman.is:1946/14183