Námsþroski leikskólabarna: Mat á próffræðilegum eiginleikum Námsþroskalistans og tengslum hans við bakgrunn barna

Námsþroski leikskólabarna og tengsl hans við félagslega og einstaklingsbundna þætti er mikilvægt rannsóknarsvið í ljósi snemmtæks stuðnings og undirbúnings fyrir skólagöngu. Markmið rannsóknarinnar var að leggja mat á próffræðilega eiginleika nýs þroskalista sem ætlaður var til að greina námsþroska leikskólabarna og kanna tengsl hans við valdar bakgrunnsbreytur. Þátttakendur voru 547 foreldrar og forráðamenn barna á aldrinum 32 til 83. Þau svöruðu 210 staðhæfingum í Námsþroskalistanum um málstarf og undirbúningsfærni barna sinna. Í listanum eru fimm undirpróf; hlustun, tal, lestur, ritun og talnaskilningur. Niðurstöður sýndu að listinn hafði góða próffræðilega eiginleika og stig barna hækkuðu með aldri. Stúlkur voru metnar hærri en drengir í tali, lestri og ritun. Hærra menntunarstig mæðra tengdist meiri færni barna í öllum þáttum. Málumhverfi barnanna heima hafði jákvæð tengsl við flest undirprófin en skjánotkun neikvæð tengsl. Niðurstöður rannsóknarinnar gefa dýrmætar vísbendingar um hvernig mat á námsþroska barna getur nýst í íslensku leikskólastarfi og hvað foreldrar geta gert til að skapa örvandi umhverfi á heimilum barna. Jafnframt styðja þær við áframhaldandi þróun og stöðlun slíks mats hérlendis.

Author dc:creator

• Sunna Ýr Sturludóttir 1997-

Contributors dc:contributor

• Háskóli Íslands

• Sálfræði
• Leikskólabörn
• Málþroski
• Skjánotkun

Language dc:language.iso

is

Handle dc:identifier.uri

https://hdl.handle.net/1946/49461

OAI identifier oai:identifier

oai:skemman.is:1946/49461