Staðarhólskirkja 1200–1700: Auður, tekjur og búskapur

Þessi rannsókn er hluti af verkefninu Ritmenning íslenskra miðalda sem ætlað er að varpa ljósi á tiltekna staði á Íslandi þar sem ritmenning blómstraði á miðöldum. Eftirfarandi ritgerð er hluti af undirverkefninu sem ber heitið Staðarhóll: Höfuðból í minjum, sögu og sagnaritun. Meginmarkmið ritgerðarinnar innan þessa verkefnis og RÍM er að svara eftirfarandi spurningum: 1. Tekjur staðarins. Efnahagslegar forsendur kirkjustarfs voru annars vegar tíund og tollar og hins vegar eignir og ítök. Athugun á máldögum og öðrum skjölum staðarins mun leiða í ljós hverjar tekjur Staðarhóls voru og hvernig þær þróuðust í aldanna rás. 2. Rekstur staðar, búskapur. Hvernig var búskap og búrekstri háttað á Staðarhóli í gegnum aldirnar? Samanburður á miðaldamáldögum og Jarðabók Árna Magnússonar og Páls Vídalíns hefur leitt í ljós að búnaðarumsvif margra gamalla stórbýla drógust umtalsvert saman á 16. og 17. öld. Hvernig var staðan á Staðarhóli? Þessar spurningar móta viðfangsefni ritgerðarinnar, en ritgerðin tekur fyrir eignarhald kirkjunnar og skipulag hennar, þróun helstu tekjustofna jarðargóssa frá miðöldum fram á árnýöld, hverskonar tekjur en líka hversu miklar þær voru af eignum Staðarhólskirkju, búskap í Staðarhólsdal og annarsstaðar þar sem Staðarhólskirkja hafði ítök. Með því að fjalla um samhengi tekjustofna og búskapar í nærumhverfi Staðarhóls má draga fram séreinkenni höfuðbólsins Staðarhóls.

Author dc:creator

• Emil Gunnlaugsson 1996-

Contributors dc:contributor

• Háskóli Íslands

• Sagnfræði

Language dc:language.iso

is

Handle dc:identifier.uri

http://hdl.handle.net/1946/40348

OAI identifier oai:identifier

oai:skemman.is:1946/40348