Svefn og svefntruflanir hjá börnum á aldrinum 6-12 ára: Fræðileg samantekt

Bakgrunnur: Algengt er að börn á skólaaldri eigi erfitt með að sofna á kvöldin, vakni á nóttunni og eigi erfitt með að sofna aftur. Þó að vandi sem þessi geti haft neikvæð áhrif á daglegt líf hjá börnum hafa fáar rannsóknir verið birtar um svefn, svefnvanda og meðferðir hjá börnum á þessum aldri. Tilgangur: Að framkvæma fræðilega samantekt á svefni og svefntruflunum hjá skólabörnum á aldrinum 6-12 ára. Aðferðir: Heimildaleit fór fram í gagnasöfnunum PubMed, Mesh, Medline og PsycINFO. Leitað var að rannsóknum um svefnvandamál, algengi þeirra, svefnvandamál sem tengdust þroskaröskunum, líkamlegum- og/eða andlegum sjúkdómum skólabarna og úrræðum við svefnvanda. Leitirnar voru afmarkaðar við börn á aldrinum 4-18 ára. Niðurstöður: Ekki hafa verið birtar margar rannsóknir á svefni og svefnvandamálum 6-12 ára skólabarna. Helstu einkenni hjá barni sem á við svefnvandamál að stríða er dagsyfja, einbeitingaskortur sem getur meðal annars haft áhrif á frammistöðu í skólanum. Sérstaklega er þörf á að fylgjast með börnum sem eru með líkamleg veikindi eða þroskatengd vandamál en samkvæmt rannsóknum virðast þau vera í meiri hættu á að sofa illa. Algengasta meðferðin sem notuð er hér á landi handa börnum með svefnvanda er Hugræn atferlismeðferð (HAM). Ályktanir: Rannsaka þarf betur svefn og svefnvanda 6-12 ára barna, sérstaklega hjá þeim börnum sem eru með þroskaraskanir eða aðrar raskanir hvort sem þær eru andlegar eða líkamlegar. Auka þarf fræðslu fyrir hjúkrunarfræðinga og foreldrum/forráðamönum.

Authors dc:creator

• Anna Lucie Bjarnadóttir 1989-
• Þórunn Helgadóttir 1985-

Contributors dc:contributor

• Háskóli Íslands

• Hjúkrunarfræði
• Svefntruflanir
• Grunnskólanemar
• Svefn

Language dc:language.iso

is

Handle dc:identifier.uri

http://hdl.handle.net/1946/24760

OAI identifier oai:identifier

oai:skemman.is:1946/24760