Balsamískur ávaxtailmur með vott af kanil : Hvert er skráningarhæfi ómyndrænna vörumerkja í evrópurétti? Með sérstakri áherslu á hljóðmerki

Í evrópurétti geta vörumerki verið hvert það merki sem fært er um að auðkenna vöru eða þjónustu og hægt er að setja fram á myndrænan hátt. Við fyrstu sýn virðast því einungis myndræn, eða sýnileg tákn geta fengist skráð sem vörumerki. Þegar nánar er að gáð kemur þó í ljós að svo er ekki. Sieckmann málið var fyrsta málið þar sem tekist var á um skráningarhæfi ómyndrænna vörumerkja, en Sieckmann reyndi að fá skráða lykt sem vörumerki sitt. Þrátt fyrir að honum hafi ekki tekist ætlunarverk sitt er dómurinn mjög mikilvægur fyrir önnur ómyndræn merki og ákveðinn grundvallardómur fyrir vörumerkjarétt í heild sinni. Dómurinn sló því föstu að hægt væri að skrá merki sem ekki teljast myndræn í eðli sínu sé hægt að setja þau fram á myndrænan hátt á fullnægjandi hátt. Í þessu máli urðu til hin sjö skilyrði Sieckmanns sem hafa verið, og munu verða áfram, grundvöllur skráninga allra óhefðbundinna vörumerkja. Í máli Shield Mark var tekist á um skráningu hljóðmerkja sem vörumerkja. Var í málinu komist að þeirri niðurstöðu að hljóðgervingur, einföld nótnaskrift eða orðalýsing á hljóðmerki dugi ekki til þess að uppfylla skilyrði til skráningar, en hins vegar sé hægt að samþykkja til skráningar fullkomna, taktsetta, hljómasetta, og lykilsetta nótnasetningu á stefi til skráningar sem vörumerki. Í síðara máli MGM fyrir úrskurðarnefnd OHIM var síðan komist að því að mögulegt væri að skrá hljóðmerki sem ekki er hægt að nótnasetja með nákvæmu og skalasettu sónógrami. Hvorki hefur tekist að skrá sem evrópumerki lykt né bragð, en litamerki, ákveðin snertimerki og heil- og hreyfimyndir geta hlotið skráningu undir ákveðnum kringumstæðum. Ný löggjöf Evrópusambandsins í þessum efnum er líkleg til þess að opna möguleikana á skráningu óhefðbundinna merkja enn frekar þó að bragð- og lyktarmerki muni að öllum líkindum ekki verða tíðir gestir í vörumerkjaskrám á næstu árum án meiriháttar tæknibyltingar.

Author dc:creator

• Hans Friðrik Hilaríus Guðmundsson 1991-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Vörumerkjaréttur
• Hljóð

Language dc:language.iso

is

Handle dc:identifier.uri

http://hdl.handle.net/1946/28308

OAI identifier oai:identifier

oai:skemman.is:1946/28308