Tónlistarmenn sem vörumerki

Ritgerð þessi fjallar um tónlistarmenn sem vörumerki og hvernig þeir geta aukið vörumerkjavirði sitt til þess að hafa áhrif á tekjustrauma. Markmið rannsóknarinnar er að varpa ljósi á hvernig íslenskt tónlistarfólk og aðilar innan tónlistargeirans upplifa tengslin á milli ímyndar, vörumerkjauppbyggingar, tengslamyndunar og tekjumöguleika í tónlistarumhverfi nútímans. Rannsóknin byggir á fræðilegum ramma og eigindlegum viðtölum þar sem tekin voru hálfopin viðtöl við starfandi tónlistarmenn og einstaklinga með reynslu úr íslenskum tónlistargeira. Niðurstöður rannsóknarinnar sýna að vörumerkjauppbygging er orðin óaðskiljanlegur hluti af starfi tónlistarmanna, þó viðmælendur nálgist hana með ólíkum hætti. Skýr sjálfsmynd, trúverðug framsetning, samræmd ímynd og markviss samskipti við áheyrendur virðast skipta miklu máli við uppbyggingu vörumerkjavirðis. Jafnframt benda niðurstöður til þess að sterkt vörumerkjavirði auki greiðsluvilja, styrki samningsstöðu og opni fyrir fjölbreyttari tekjutækifæri, svo sem tónleika, sölu á varning, auglýsingasamstörf, og önnur verkefni utan hefðbundinnar tónlistarsköpunar. Niðurstöður rannsóknarinnar sýna þó einnig að vörumerkjavirði er ekki einföld lausn á tekjuvanda tónlistarmanna. Íslenskur markaður er lítill, streymistekjur eru virkilega takmarkaðar og margir tónlistarmenn þurfa að reiða sig á marga tekjustrauma til að byggja upp sjálfbæran feril. Persónulegt vörumerki getur því virkað sem brú á milli listrænnar sköpunar og fjárhagslegrar umbunar, þar sem sýnileiki, traust og tengsl við áheyrendur verða að verðmætri auðlind.

Author dc:creator

• Aníta Daðadóttir 2002-

Contributors dc:contributor

• Háskólinn á Bifröst

• Tónlistarfólk
• Vörumerki
• Ímynd
• Ímyndarsköpun

Language dc:language.iso

is

Handle dc:identifier.uri

https://hdl.handle.net/1946/53835

OAI identifier oai:identifier

oai:skemman.is:1946/53835