Innri almannatengsl í fyrirtækjum

Megintilgangur þessarar ritgerðar var að kanna mikilvægi innri samskipta og hvernig þau tengjast upplifun starfsmanna af upplýsingagjöf, trausti og starfsmannaánægju. Fjallað erum þróun innri samskipta og innri almannatengsla, frá hefðbundinni einhliða upplýsingamiðlun yfir í gagnvirka þátttöku sem byggir á trausti, samkennd og gagnsæi milli deilda og stjórnunarstiga. Byggt er á fræðilegri umfjöllun um almannatengsl, innri samskipti og hlutverk forystu í samskiptum, ásamt megindlegri spurningakönnun sem lögð var fyrir starfsmenn tveggja verslunar- og þjónustufyrirtækja. Markmiðið með könnuninni var að skoða hvernig starfsmenn upplifa upplýsingaflæði, gagnsæi, traust og vinnuumhverfi almennt. Niðurstöður benda til þess að starfsmenn telji innri samskipti skipta miklu máli fyrir árangursríkt samstarf, þar sem virk hlustun, skýr boðskipti og regluleg endurgjöf skipta lykilmáli. Óljós eða ófullnægjandi miðlun upplýsinga birtist sem helsta hindrun, en fræðileg umfjöllun og niðurstöður rannsóknarinnar styðja að tækifæri skipulagsheilda felist í að efla virka hlustun, jafnræði og opin samskipti. Stjórnendur þurfa í því samhengi ekki aðeins að vera boðberar upplýsinga, heldur virkir þátttakendur í daglegu starfi sem byggja upp traust, samstöðu og jákvæða starfsmenningu.

Author dc:creator

• Marta Gunnlaugsdóttir 1986-

Contributors dc:contributor

• Háskólinn á Bifröst

• Almannatengsl
• Fyrirtæki
• Starfsumhverfi
• Vinnustaðamenning

Language dc:language.iso

is

Handle dc:identifier.uri

https://hdl.handle.net/1946/52113

OAI identifier oai:identifier

oai:skemman.is:1946/52113