Mannauðs- og launadeildir sveitarfélaga: Samstarf, upplifun og álag

Markmið þessarar ritgerðar er að skoða hlutverk og tengsl mannauðs- og launadeilda innan íslenskra sveitarfélaga, þar sem mannauðsmál eru stór þáttur í stjórnun opinberra rekstrareininga. Rannsóknin byggir á megindlegri aðferðarfræði þar sem spurningalistar voru lagðir fyrir mannauðsstjóra og launafulltrúa sveitarfélaganna. Helstu rannsóknarspurningar fjalla um samstarf þessara deilda, upplifun starfsmanna af álagi í starfi, og hvort tengsl séu milli stærðar sveitarfélags og tilvistar mannauðsstjóra. Niðurstöðurnar sýna að þótt flest sveitarfélög séu með virkt samstarf milli mannauðs- og launadeilda, eru nokkur sveitarfélög þar sem samvinna er takmörkuð. Einnig kom í ljós að bæði mannauðs- og launadeildir upplifa oft á tíðum mikið álag í starfi, en þessi upplifun deilda á milli er mismunandi eftir því hvort starfsfólk er í mannauðs- eða launadeild. Mannauðsstjórar í stærri sveitarfélögum meta sig undir talsverðu álagi, en það kemur jafnframt í ljós að flest minni sveitarfélög hafa ekki sérstaka mannauðsstjóra nema þegar íbúafjöldi fer yfir ákveðinn fjölda. Rannsóknin undirstrikar mikilvægi betra samstarfs, aukins skilnings og skilvirkari verkferla í mannauðsmálum. Niðurstöðurnar benda til þess að aukin áhersla á faglega mannauðsstjórnun gæti bætt starfsumhverfi, stuðlað að betri nýtingu fjármuna og aukið ánægju starfsmanna og íbúa sveitarfélaganna.

Author dc:creator

• Guðríður Þorbjörnsdóttir 1985-

Contributors dc:contributor

• Háskólinn á Bifröst

• Mannauðsstjórnun
• Sveitarfélög
• Kjarasamningar
• Kjaramál

Language dc:language.iso

is

Handle dc:identifier.uri

https://hdl.handle.net/1946/49199

OAI identifier oai:identifier

oai:skemman.is:1946/49199