Samkeppni á íbúðalánamarkaði

Þessi Ritgerðin er gerð í þeim tilgangi að rannsaka áhrif þess á íbúðarverð og skuldsetningu heimilanna að íslensku viðskiptabankarnir byrjuð árið 2004 að veita íbúðarlán í beinni samkeppni við Íbúðalánasjóð. Framkvæmd var rannsókn á hugsanlegum áhrifaþáttum sem stuðlað gætu að verðhækkun á íbúðarhúsnæði og aukið skuldsetningu heimilanna. Aðhvarfsgreining var notuð til þess að meta hugsanlega áhrifaþætti á verðþróun þar sem hægt var að nálgast tölulegar upplýsingar í tímaröð. Aðrir hugsanlegir áhrifavaldar sem ekki var hægt að setja fram á því formi voru skoðaðir útfrá sögulegum gögnum og hagfræðilegum sjónarmiðum um framboð og eftirspurn. Niðurstöður aðhvarfsgreiningar á tímaröðunum sýndu enga fylgni við verðþróun á íbúðaverði. Söguleg skoðun leiddi í ljós að við aukið aðgengi almennings að lánsfé hafa verðhækkanir nær undantekningalaust fylgt í kjölfarið. Innkoma banka á lánamarkað stuðlaði enn frekar að auknu aðgengi á lánsfé, ekki síst þar sem þeir kepptust við að bjóða betur en Íbúðalánasjóður. Skuldastaða þeirra sem tóku lán hjá bönkunum þ.e.a.s með 100% veðsetningu og lán með höfuðstól í erlendri mynt er almennt ekki góð við núverandi aðstæður þar sem íbúðaverð fer lækkandi og gengi íslensku krónunnar er í sögulegu lágmarki (águst 2009). Íbúðalánsjóður bauð ekki svo háa veðsetningu eða lán í erlendri mynt.

Author dc:creator

• Snorri Harðarson 1971-

Contributors dc:contributor

• Háskólinn á Bifröst

• Viðskiptafræði
• Fasteignamarkaður
• Lánamál
• Vextir

Language dc:language.iso

is

Handle dc:identifier.uri

http://hdl.handle.net/1946/4038

OAI identifier oai:identifier

oai:skemman.is:1946/4038