Er hagstætt að nýta séreignarsparnað inn á íbúðalán?

Í þessari ritgerð er farið yfir þær lagaheimildir sem heimila úttekt úr séreignarsparnaði til að greiða inn á íbúðalán sem hafa verið samþykktar á Alþingi. Notast er við ritaðar heimildir auk þess sem settar eru upp sviðsmyndir (e. scenarios) þar sem skoðaður er munur á því hvort úrræðið sé nýtt eða ekki. Þá eru skoðaðar mismunandi fjármögnunarleiðir og þær bornar saman við ávöxtun séreignarsjóða auk þess sem farið er yfir hvaða áhrif úrræðið (úttekt úr séreignarsparnaði) getur haft á vaxtabætur. Þá er bæði sett upp í sviðsmyndir langtímaáhrif þess að nýta úrræðið auk þess sem kannað er hvað áhrif úrræðið hefur á ráðstöfunartekjur rétthafa til skemmri tíma. Helstu niðurstöður rannsóknarinnar eru þær að það getur verið áhættusamt að nýta úrræðið. Þegar litið er til lengri tíma þá myndast ákveðin skattsparnaður þar sem úrræðið er skattfrjálst, meðan það þarf að greiða tekjuskatt af sparnaðinum þegar hann er tekinn út í formi lífeyrisgreiðslna. Þá skiptir máli hver er munur á raunvöxtum lánsins og raunávöxtun séreignarsjóðsins. Ef vextir af láninu eru umtalsvert hærri en ávöxtun séreignarsjóðsins er það hagstætt til langs tíma að nýta úræðið, annars ekki. Til skemmri tíma hefur úrræðið mikil áhrif á skerðingu til vaxtabóta og getur því lækkað ráðstöfunartekjur rétthafa. Almennt má sjá að þeir sem hafa lægri tekjur taka frekari áhættu heldur en þeir sem hafa hærri tekjur þegar úrræðið er nýtt, þar sem þeir eiga rétt á hærri vaxtabótum og verða fyrir meiri skerðingu á ráðstöfunartekjum.

Author dc:creator

• Guðni Þór Jóhannsson 1993-

Contributors dc:contributor

• Háskólinn á Bifröst

• Séreignarsjóðir
• Sparnaður
• Húsnæðislán
• Lífeyrisréttindi
• Fasteignamarkaður
• Lokaritgerðir

Language dc:language.iso

is

Handle dc:identifier.uri

http://hdl.handle.net/1946/32411

OAI identifier oai:identifier

oai:skemman.is:1946/32411