Hvað felst í fjölskyldustefnu? Upplifun og reynsla starfsfólks

Markmiðið með þessari rannsókn var að skoða hvað felst í fjölskyldustefnu fyrirtækja út frá upplifun og reynslu starfsfólks. Einnig að skoða þann sveigjanleika sem starfsfólk hafði yfir að ráða í starfi sínu. Reynt var að skoða upplifun starfsfólksins í ljósi fyrirtækjamenningar og starfsánægju og tengslin á milli þessara þátta. Leitast var við að öðlast djúpa innsýn í raunverulega reynslu viðmælenda af fjölskylduvænu vinnuumhverfi og á hvaða hátt þeir upplifðu vinnustað sinn koma til móts við sambandið á milli vinnu og fjölskyldu. Rannsóknaraðferðin sem hér var notuð var eigindleg aðferð. Tekin voru opin viðtöl við átta útivinnandi mæður og fór rannsóknin fram í þremur fyrirtækjum á höfuðborgarsvæðinu. Niðurstöður rannsóknarinnar gáfu til kynna að viðmælendur upplifðu fjölskyldustefnu vinnustaða sinna jákvætt og töldu sig hafa þann sveigjanleika sem þeir þurftu á að halda til að mæta kröfum fjölskylduábyrgðar. Einnig töldu viðmælendur sig fá mikinn skilning af hálfu yfirmanna sem endurspeglaði mikilvægt hlutverk menningu vinnustaða þeirra. Viðmælendur töldu sig almennt vera ánægða í starfi og að sú ánægja væri tilkomin meðal annars vegna þess hversu fjölskylduvæn fyrirtækin voru sem þeir störfuðu hjá.

Author dc:creator

• Eva Ýr Gunnlaugsdóttir 1979-

Contributors dc:contributor

• Háskóli Íslands

• Viðskiptafræði
• Mannauðsstjórnun
• Fjölskyldustefna
• Vinnutími
• Fyrirtækjamenning
• Starfsánægja

Language dc:language.iso

is

Handle dc:identifier.uri

http://hdl.handle.net/1946/7981

OAI identifier oai:identifier

oai:skemman.is:1946/7981