Nýbúar, menningarhæfni og hjúkrun. Fræðileg samantekt

Nýbúum á Íslandi hefur fjölgað undanfarin ár og voru 25.926 í byrjun árs 2013. Samkvæmt lögum um heilbrigðisþjónustu og réttindi sjúklinga eiga allir landsmenn rétt á fullkomnustu heilbrigðisþjónustu sem heilbrigðiskerfi eru fær um að veita hverju sinni. Íslenskar og erlendar rannsóknir hafa sýnt fram á að ekki búa allir þjóðfélagshópar við sama heilsufar. Rannsóknir gefa vísbendingar um að heilsu nýbúa fari hrakandi frá upphafi búsetu í Bandaríkjunum og Kanada. Tilgangur þessarar fræðilegu úttektar er að kanna ójafnræði til heilbrigðis og þá þætti sem skerða aðgengi nýbúa að upplýsingum og þjónustu. Upplýsinga var aflað úr rannsóknum á viðurkenndum gagnagrunnum og úr opinberum gögnum. Niðurstöður sýna að skert heilsulæsi er ein helsta orsök ójafnræðis í heilsufari nýbúa, meðal annars vegna tungumálaörðugleika og skertrar aðlögunar að nýju heilbrigðiskerfi. Hjúkrunarfræðingar eru í góðri stöðu til að greina skert heilsulæsi skjólstæðinga sinna og veita persónumiðaða fræðslu sem byggir á mati á menningarlegum bakrunni og þörfum nýbúa fyrir leiðsögn og stuðning í nýju heilbrigðiskerfi. Bætt heilsulæsi leiðir til aukins aðgengis að upplýsingum og þjónustu og getur minnkað ójafnræði í heilsufari. Niðurstöður varpa ljósi á mikilvægi þess að hjúkrunarfræðingar hljóti þjálfun í menningarhæfri hjúkrun og mati á heilsulæsi skjólstæðinga sinna. Lykilhugtök: Nýbúar, ójafnræði í heilsufari, heilsulæsi, menningarhæfni, hjúkrun.

Author dc:creator

• Sigríður Guðrún Elíasdóttir 1989-

Contributors dc:contributor

• Háskóli Íslands

• Hjúkrunarfræði
• Nýbúar
• Heilsufar
• Upplýsingalæsi

Language dc:language.iso

is

Handle dc:identifier.uri

http://hdl.handle.net/1946/15289

OAI identifier oai:identifier

oai:skemman.is:1946/15289