Heilindi vörumerkja í gervigreindarvæddu markaðsefni

Á undanförnum árum hefur notkun skapandi gervigreindar aukist hratt í markaðsstarfi fyrirtækja, meðal annars við framleiðslu texta, myndefnis og persónusniðinna skilaboða. Þessi þróun hefur skapað ný tækifæri til aukinnar skilvirkni og hraðari efnisframleiðslu, en jafnframt vakið spurningar um heilindi, trúverðugleika og traust í samskiptum vörumerkja og neytenda. Markmið þessarar rannsóknar er að skoða hvernig markaðsstjórar tryggja heilindi og trúverðugleika vörumerkja við notkun skapandi gervigreindar í markaðsefni og hvaða áhrif þeir telja að heilindi hafi á upplifun neytenda af vörumerkjum. Rannsóknin byggir á eigindlegri aðferðafræði þar sem framkvæmd voru hálfopin djúpviðtöl við sex viðmælendur, bæði markaðsstjóra og sérfræðinga á sviði markaðssetningar sem hafa reynslu af notkun eða innleiðingu skapandi gervigreindar í markaðsstarfi. Gögn voru greind með þemagreiningu þar sem markmiðið var að greina sameiginleg mynstur og þemu í frásögnum viðmælenda. Helstu niðurstöður benda til þess að markaðsstjórar líti á skapandi gervigreind fyrst og fremst sem stuðningsverkfæri í efnisframleiðslu fremur en sjálfstæða lausn. Mannleg yfirferð og faglegt mat eru talin lykilatriði í að tryggja gæði efnis og samræmi við gildi og sjálfsmynd vörumerkja. Þá kemur fram að gagnsæi í notkun skapandi gervigreindar og samræmi í samskiptum við neytendur skipta miklu máli til að viðhalda trausti og jákvæðri upplifun.

Author dc:creator

• Vignir Snær Norðdahl 1999-

Contributors dc:contributor

• Háskólinn á Bifröst

• Gervigreind
• Vörumerki
• Markaðssetning
• Traust
• Neytendur

Language dc:language.iso

is

Handle dc:identifier.uri

https://hdl.handle.net/1946/53839

OAI identifier oai:identifier

oai:skemman.is:1946/53839