Áhrif leiðtogastíls stjórnenda á sálfræðilegt öryggi og starfsánægju

Tilgangurinn með þessari rannsókn var að varpa ljósi á leiðtogastíl stjórnenda innan ríkisstofnana og kanna sálfræðilegt öryggi hjá starfsfólki ríkisstofnana. Jafnframt var tilgangurinn að skoða hvernig starfsfólk upplifir áhrif leiðtogastíls stjórnenda á sálfræðilegt öryggi og starfsánægju. Framkvæmd var eigindleg rannsókn með viðtölum við tólf einstaklinga sem allir störfuðu innan ríkisstofnana. Helmingur þátttakenda voru stjórnendur og helmingur starfsmenn sem ekki voru í stjórnendastöðu. Helstu niðurstöður rannsóknarinnar benda til þess, út frá upplifun viðmælenda, að innan ríkisstofnana beiti stjórnendur lýðræðislegum leiðtogastíl og að einnig séu merki um þjónandi forystu og umbreytingarforystu við stjórnun innan ríkisstofnana. Niðurstöðurnar leiddu einnig í ljós að viðmælendur upplifa að sálfræðilegt öryggi á þeirra vinnustað sé gott. Þá benda niðurstöðurnar til þess að þátttakendur upplifi að leiðtogastíll stjórnenda hafi áhrif á sálfræðilegt öryggi og að leiðtogastíll stjórnenda geti bæði haft jákvæð áhrif á starfsánægju og dregið úr starfsánægju. Rannsóknin veitir mikilvæga innsýn í þætti sem snúa að stjórnun og áhrifum á starfsfólk innan ríkisstofnana. Hún eykur skilning á stjórnun og stjórnunaraðferðum sem getur nýst stjórnvöldum og stjórnendum innan og utan ríkisstofnana við ákvarðanatöku, aðgerðir, stefnumótun og fleira. Þá gefur rannsóknin innsýn í upplifun ríkisstarfsmanna á sálfræðilegu öryggi á vinnustað.

Author dc:creator

• Erna Guðmundsdóttir 1977-

Contributors dc:contributor

• Háskólinn á Bifröst

• Opinber fyrirtæki
• Opinbert starfsfólk
• Forysta
• Leiðtogar
• Starfsánægja
• Líðan

Language dc:language.iso

is

Handle dc:identifier.uri

https://hdl.handle.net/1946/53817

OAI identifier oai:identifier

oai:skemman.is:1946/53817