Ný listgrein verður til. Ópera á Íslandi 1950-1960. Með áherslu á óperu innan Þjóðleikhússins.

Þessi rannsókn fjallar um stöðu óperu á Íslandi á árunum 1950–1960, með sérstakri áherslu á stöðu óperu innan Þjóðleikhússins. Markmið rannsóknarinnar er að greina hvaða þýðingu það hafði fyrir þróun óperu hérlendis og óperusöngvara að nýtt Þjóðleikhús tók til starfa, hvaða væntingar voru um aðstöðu og uppsetningar á vegum þess og hvort þær væntingar stóðust. Þá er einnig fjallað um stöðu óperusöngvara, hvernig aðstæður til náms voru og hvaða tækifæri stóðu lærðum óperusöngvurum til boða hérlendis á þessum tíma. Jafnframt er kannað hvernig óperuuppfærslur, innan sem utan Þjóðleikhússins, mæltust fyrir í þjóðfélaginu. Rannsókn þessi er söguleg rannsókn sem byggir á eigindlegri heimildagreiningu. Rannsóknin byggir á fjölbreyttum heimildum, þar á meðal ævisögum, fundargerðum Þjóðleikhúsráðs, umfjöllunum í dagblöðum, bréfasöfnum og fræðiritum um tónlist og leiklist á þessu tímabili. Fræðilegur rammi rannsóknarinnar byggir einkum á kenningum Pierre Bourdieu um veruhátt (habitus) , svið (field) og auðmagn (capital). Niðurstöður rannsóknarinnar sýna að með stofnun Þjóðleikhússins og Sinfóníuhljómsveitar Íslands árið 1950 urðu í fyrsta sinn til aðstæður sem gerðu reglulegan óperuflutning mögulegan hérlendis, á sambærilegan hátt og tíðkaðist víða erlendis. Ópera varð fastur þáttur í menningarlífi þjóðarinnar og ný starfstétt óperusöngvara varð til. Þá bendir rannsóknin til þess að þrátt fyrir að óperan hafi notið mikilla vinsælda innan Þjóðleikhússins þá hafi staða hennar verið veikari en staða leiklistarinnar, bæði varðandi stofnanalegt vægi og starfsskilyrði söngvara. Lykilorð: Bourdieu, óperur, óperettur, Þjóðleikhúsið, Sinfóníuhljómsveit Íslands, tónlistarsaga

Author dc:creator

• Þórunn Sigþórsdóttir 1969-

Contributors dc:contributor

• Háskólinn á Bifröst

• Tónlistarsaga
• Óperur
• Óperettur
• Þjóðleikhúsið
• Bordieu

Language dc:language.iso

is

Handle dc:identifier.uri

https://hdl.handle.net/1946/53799

OAI identifier oai:identifier

oai:skemman.is:1946/53799