Friðhelgi og aðgangur að dómstólum: Áhrif friðhelgi erlendra ríkja, sendierindreka og alþjóðastofnana á rétt einstaklinga til aðgangs að íslenskum dómstólum

Ritgerðin fjallar um samspil friðhelgi erlendra ríkja, fulltrúa þeirra og alþjóðastofnana annars vegar og réttar einstaklinga til aðgangs að dómstólum hins vegar, með áherslu á íslenskan rétt. Markmiðið er að greina hvernig íslenskir dómstólar og stjórnsýslunefndir hafa leyst úr málum þar sem reynir á slíka friðhelgi, og hvort framkvæmdin samrýmist þróun þjóðaréttar í átt að takmarkaðri friðhelgi og réttinum til aðgangs að dómstólum samkvæmt 1. mgr. 70. gr. stjórnarskrárinnar og 1. mgr. 6. gr. mannréttindasáttmála Evrópu. Í fyrri hluta ritgerðarinnar er fjallað um þróun reglna um friðhelgi ríkja, ríkisfulltrúa, sendiráða og alþjóðastofnana í þjóðarétti, auk reglna um aðgang að dómstólum og dómaframkvæmdar Mannréttindadómstóls Evrópu þar sem reynt hefur á samrýmanleika þessara réttinda. Í síðari hluta er íslensk dóma- og stjórnsýsluframkvæmd greind með hliðsjón af þeim alþjóðlegu viðmiðum. Niðurstaða ritgerðarinnar er sú að íslensk framkvæmd, einkum stjórnsýsluframkvæmd, hafi að nokkru leyti dregist aftur úr þróun þjóðaréttar í átt að takmarkaðri friðhelgi. Hefur það leitt til þess að einstaklingar standi í ákveðnum tilvikum eftir án raunhæfs úrræðis til að fá skorið úr réttindum sínum.

Author dc:creator

• Brynjar Darri Jónasson 1991-

Contributors dc:contributor

• Háskólinn á Bifröst

• Friðhelgi ríkja
• Alþjóðastofnanir
• Réttarstaða
• Dómstólar

Language dc:language.iso

is

Handle dc:identifier.uri

https://hdl.handle.net/1946/53790

OAI identifier oai:identifier

oai:skemman.is:1946/53790