Vörumerkjabreyting - Hafa íslensk fyrirtæki sem hafa framkvæmt vörumerkjabreytingu upplifað jákvæð áhrif á rekstur og ímynd?

Útdráttur: Ritgerð þessi fjallar um vörumerkjabreytingu, Rannsóknarspurning: Hafa íslensk fyrirtæki sem hafa framkvæmt vörumerkjabreytingu upplifað jákvæð áhrif á rekstur og ímynd? Í þessari rannsókn var markmiðið að skoða hvernig íslensk fyrirtæki upplifa áhrif vörumerkjabreytinga, bæði á ímynd sína og rekstur. Rannsóknin byggir á eigindlegri aðferð þar sem tekin voru viðtöl við fulltrúa fyrirtækja og auglýsingastofa sem hafa annað hvort framkvæmt breytingar sjálf eða unnið að slíkum verkefnum. Niðurstöðurnar sýna að vörumerkjabreytingar eru yfirleitt ekki handahófskenndar. Þær tengjast oft breyttri stefnu, nýjum markmiðum eða þörf á að tengja vörumerkið betur við samtímann. Flest fyrirtækin lögðu mikla áherslu á að undirbúa breytingarnar vel, og margir nýttu sér bæði eigindlegar og megindlegar rannsóknir í ferlinu. Þó áhætta fylgi breytingum, sérstaklega ef fólk hefur sterkar tilfinningar til gamla vörumerkisins, töldu flestir viðmælendur breytingarnar hafa haft jákvæð áhrif. Rannsóknin gefur innsýn í hvernig íslensk fyrirtæki huga að vörumerkjum sínum, og sýnir að vel ígrunduð og skipulögð vörumerkjabreyting getur styrkt stöðu fyrirtækja og aukið tengsl við markhópinn.

Author dc:creator

• Rakel Anna Jónasdóttir 1985-

Contributors dc:contributor

• Háskólinn á Bifröst

• Vörumerki
• Ímynd
• Markaðsfræði

Language dc:language.iso

is

Handle dc:identifier.uri

https://hdl.handle.net/1946/51651

OAI identifier oai:identifier

oai:skemman.is:1946/51651