Landspítali og skipuritsbreytingar: Hafa tíðar skipuritsbreytingar í kjölfar forstjóraskipta á Landspítala áhrif á starfsánægju og starfsöryggi stjórnenda með þríþætta ábyrgð á klínískum einingum?

Landspítali varð til við sameiningu Sjúkrahúss Reykjavíkur og Ríkisspítala árið 2000. Frá þeim tíma hafa fimm einstaklingar gengt starfi forstjóra, auk afleysara. Skipuritsbreytingar hafa fylgt forstjóraskiptum. Höfundur hefur starfað á Landspítala frá árinu 2006. Vegna starfssviðs síns hefur höfundur óhjákvæmilega orðið vitni að umræðum og vangaveltum stjórnenda og starfsmanna, um gagnsemi og skynsemi þeirra skipuritsbreytinga sem framkvæmdar hafa verið hverju sinni. Það kom fljótt upp í huga höfundar, er kom að því að velja viðfangsefni fyrir lokaverkefni, að kanna hvort þessar breytingar hefðu raunveruleg áhrif á stjórnendur eða hvort þetta væru bara fyrstu viðbrögð við breytingum. Höfundur ákvað að afmarka sig við að kanna hvort breytingarnar hefðu áhrif starfsánægju og starfsöryggi stjórnenda með þríþætta ábyrgð á klínískum einingum. Framkvæmd var bæði eigindleg og megindleg rannsókn þar sem stuðst var við kenningar um hvatningu, markmiðasetningu og þá þætti sem hafa áhrif á starfsánægju og starfsöryggi Í verkefninu er farið yfir tilurð Landspítala, þá sem gengt hafa stöðu forstjóra, eðli og inntak skipuritsbreytinganna, auk hlutverks forstjóra. Niðurstöður megindlegu rannsóknarinnar segja að starfsöryggi og starfsánægja hafi ekki minnkað og starfsfólk er stolt af störfum sínum. Hins vegar má lesa út úr niðurstöðum að bæta megi upplýsingagjöf og markmiðasetningu í aðdraganda skipuritsbreytinga.

Author dc:creator

• María Guðmundsdóttir 1970-

Contributors dc:contributor

• Háskólinn á Bifröst

• Stjórnendur
• Starfsánægja
• Skipurit
• Skipulagsbreytingar
• Landspítali - háskólasjúkrahús

Language dc:language.iso

is

Handle dc:identifier.uri

https://hdl.handle.net/1946/51364

OAI identifier oai:identifier

oai:skemman.is:1946/51364