Áhrif söluhvata á kaupákvarðanir

Söluhvatar eru aðferðarfræði markaðssamskipta sem fyrirtæki nota og geta haft áhrif á kauphegðun neytenda. Söluhvatar geta haft mismunandi áhrif á kaupákvarðanir neytenda og snýst rannsóknin um það hvernig þeir hafa áhrif og hverjir þeirra eru áhrifaríkastir. Söluhvatar spila stórt hlutverk í kaupákvarðanatöku neytenda. Þeir eru aðferðir sem hægt er að nota til þess að spila á þarfir og tilfinninginar neytenda. Söluhvatar geta breytt því hvernig neytendur sjá verðgildi eða virði vörunnar eða þjónustunnar sem getur haft áhrif á kaupákvörðun þeirra. Markmið rannsóknarinnar var að skoða hvaða söluhvatar hafi mest áhrif á kaupákvarðanir neytenda og á hvaða hátt. Einnig var markmiðið að skoða hvort að mismunandi aldurshópar bregðast misjafnlega við söluhvötum og að hvaða leyti. Við framkvæmd þessarar rannsóknar var notast við blandaða rannsóknaraðferð þar sem notaðar voru bæði eigindlegar og megindlegar aðferðir. Eigindlega rannsóknin var í formi rýnihópaviðtala þar sem rannsakendur hittu tvo hópa þátttakenda. Megindlega rannsóknin var í formi spurningakönnunar þar sem stærra úrtak þátttakenda var fengið til ítarlegri greiningar. Niðurstöður rannsóknarinnar gáfu til kynna að áhrif söluhvata væru mikil og að mismunandi aldurshópar bregðast misjafnlega við þeim. Afsáttur var sá söluhvati sem neytendur sögðu hafa mest áhrif á kaupákvörðunartöku þeirra og var sama svörun á milli allra aldurshópa. Það er von höfunda að niðurstöður rannsóknarinnar nýtist fyrirtækjum og veiti þeim innsýn í hvernig söluhvatar geta haft áhrif á kauphegðun neytenda.

Authors dc:creator

• Hugrún Líf Einarsdóttir 2000-
• Sara Ísabella Guðmundsdóttir 1999-

Contributors dc:contributor

• Háskólinn á Bifröst

• Kauphegðun
• Vörumerki
• Neytendahegðun
• Sales promotion
• Consumer behavior
• Brand loyalty

Language dc:language.iso

is

Handle dc:identifier.uri

https://hdl.handle.net/1946/50683

OAI identifier oai:identifier

oai:skemman.is:1946/50683