Stytting vinnuvikunnar: Hefur stytting vinnuvikunnar, að mati starfsmanna sveitarfélaga, skilað sambærilegum árangri og hjá ríki og borg?

Mikið ákall hefur verið undanfarin ár um það að stytta vinnuvikuna, ekki síst í tengslum við streitu og kulnun og náðist sátt um það í þeim kjarasamningum sem gerðir voru árið 2019 og 2020. Ríkið og Reykjavíkurborg stóðu bæði að tilraunaverkefnum innan nokkurra stofnana hjá sér árin 2015 og 2016 sem miðaði að því að stytta vinnutímann og árangurinn þótti mjög góður. Markmið með þessari rannsókn er að kanna upplifun starfsmanna sveitarfélaga af styttingu vinnuvikunnar sem samið var um árið 2020 og hvort náðst hafi sambærilegur árangur með styttingunni og náðist hjá ríkinu og Reykjavíkurborg. Notast var við megindlega rannsóknaraðferð og var sendur póstur á öll sveitarfélög með boð um þátttöku í rannsókninni. Alls gáfu ellefu sveitarfélög kost á þátttöku. Send var út spurningakönnun á alla starfsmenn þeirra sveitarfélaga og bárust alls 208 svör. Niðurstöður rannsóknarinnar endurspegla ekki að öllu leyti árangur ríkis og borgar þó almennt séð hafi verið ánægja með styttinguna. Það sem helst ber að nefna varðandi niðurstöðurnar er að störf innan sveitarfélaga eru mjög fjölbreytt og einnig er misjafnt hvernig staðið var almennt að innleiðingunni. Rannsakandi telur mikilvægt að haldið verði áfram að kanna árangur af styttingu vinnuvikunnar hjá sveitarfélögum og að starfsmenn komi meira að borðinu þegar kemur að því að skipuleggja og innleiða styttingu.

Author dc:creator

• Helga Sigríður Hjálmarsdóttir 1984-

Contributors dc:contributor

• Háskólinn á Bifröst

• Vinnutími
• Mannauðsstjórnun
• Sveitarfélög
• Stytting vinnuvikunnar

Language dc:language.iso

is

Handle dc:identifier.uri

https://hdl.handle.net/1946/49204

OAI identifier oai:identifier

oai:skemman.is:1946/49204