Áminningar og starfslok starfsmanna sveitarfélaga : er ferlið of flókið?

Markmið með rannsókn þessari er að kanna viðhorf stjórnenda sveitarfélaga til ákvæða laga og kjarasamninga þegar kemur að áminningum og uppsögnum starfsmanna sveitarfélaga. Áminningar eru bundnar í lög og kjarasamninga og er sérstök ákvörðun yfirmanns eða stjórnvalds sem gripið er til ef starfsmaður hefur brotið starfsskyldur sínar eða nær ekki fullnægjandi árangri í starfi. Tilgangur áminninga er að bregðast við þessu framferði starfsmanns og veita starfsmanninum tækifæri til að bæta sig í starfi. Verði hins vegar starfsmaður aftur vís að samskonar broti eða háttsemi getur það leitt til uppsagna. Farið er ítarlega í það ferli sem felst í áminningum og uppsögn að undangenginni áminningu. Ferlið er skýrt á sem einfaldastan og auðskiljanlegastan hátt en það hefur þótt flókið vegna fjölda lagagreina sem og málsmeðferðareglna sem þarf að framfylgja í ferlinu. Spurningakönnun var send á stjórnendur sveitarfélaga sem voru spurðir um viðhorf sín til þessara laga og regla. 114 manns þátt í könnuninni og var 61% svarhlutfall. Niðurstöður rannsóknarinnar eru skýrar; stjórnendur sveitarfélaga eru almennt neikvæðir í garð þessa ferlis og telja að lagareglur og ákvæði kjarasamninga séu of flókin þegar kemur að áminningum og uppsögnum. Gerður var samanburður á milli stærri og smærri sveitarfélaga en enginn marktækur munur er á viðhorfum stjórnenda eftir stærð sveitarfélaga.

Author dc:creator

• Ásgerður Þorleifsdóttir 1975-

Contributors dc:contributor

• Háskólinn á Bifröst

• Lokaritgerðir
• Félagsvísindi
• Mannauðsstjórnun
• Opinberir starfsmenn
• Starfslok
• Sveitarstjórnir

Language dc:language.iso

is

Handle dc:identifier.uri

http://hdl.handle.net/1946/45138

OAI identifier oai:identifier

oai:skemman.is:1946/45138