Skólastjórar í tónlistarskólum : hvað felst í starfinu og hvaða breytingar hafa orðið á því undanfarin ár?

Rannsókn þessi miðar að því að skoða umhverfi skólastjóra í tónlistarskólum. Skoðað verður hvað felst í starfinu og hvaða breytingar hafa orðið á starfinu undanfarin ár. Rannsóknarefnið er um margt áhugavert og einstakt vegna sérstakrar stöðu skólastjóra tónlistarskóla. Skólarnir starfa þvert á skólastig, nemendur eru á öllum aldri, kennsla fer að mestu fram í einkatímum og þá eru skólarnir í senn mennta- og menningarstofnanir. Samkvæmt vitneskju rannsakanda hefur ekki verið gerð sérstök rannsókn á starfi skólastjóra tónlistarskóla áður, það er því áhugavert að skoða umhverfi þeirra sérstaklega. Rannsóknin er eigindleg viðtalsrannsókn þar sem byggt er á djúpviðtölum við viðmælendur, sem búa yfir yfirgripsmikilli reynslu á sviðinu. Helstu niðurstöður eru þær að starfið þykir afar fjölbreytt og mikið reynir á mannlega þáttinn í starfinu. Í rannsókninni kom einnig fram að skólastjórnendur þurfa að búa yfir mikilli hæfni á sviði stjórnunar og rekstrar- og mannauðsmála ásamt því að vera faglegir leiðtogar með ítarlega þekkingu á sviði tónlistar. Niðurstöður benda til þess að á síðustu árum hafi starfið tekið miklum breytingum og umfang og ábyrgð þess aukist til muna. Þá hafa kröfur til tónlistarskólastjóra aukist umtalsvert, sérstaklega á sviði stjórnunar, stjórnsýslu- og rekstrarmála ásamt ýmiss konar skrifstofuvinnu. Sú aukna ábyrgð er oft á tíðum á kostnað þess tíma sem skólastjórar hafa til að sinna faglegri og listrænni stjórnun skólanna. Viðmælendur voru sammála um að skólarnir hefðu vaxið í samfélaginu og að þeir njóti almennt meiri hylli og virðingar sem faglegar mennta- og menningarstofnanir.

Author dc:creator

• Aron Örn Óskarsson 1985-

Contributors dc:contributor

• Háskólinn á Bifröst

• Menningarstjórnun
• Tónlistarskólar
• Skólastjórar
• Starfsumhverfi
• Starfsþróun
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/39571

OAI identifier oai:identifier

oai:skemman.is:1946/39571