Handbók fyrir starfsfólk sumarnámskeiðs á vegum þekkingarhópsins Míns styrks

Þetta lokaverkefni til B.A. gráðu við þroskaþjálfabraut Háskóla Íslands er tvíþætt. Annars vegar er um að ræða handbók fyrir starfsfólk sumarnámskeiðs á vegum þekkingarhópsins Míns styrks en tilgangur hennar er að vera leiðandi rit fyrir starfsfólk og auðvelda því að skipuleggja námskeið fyrir unglinga á einhverfurófi. Hinsvegar er um að ræða greinargerð með handbókinni en hún er fræðileg dýpkun á efni hennar ásamt rökstuðningi fyrir þeim drögum sem hún byggir á. Ýmis sumarúrræði eru í boð fyrir unglinga á einhverfurófi en fá eru sérsniðin að þörfum þeirra. Lykilþáttur í þátttöku unglinganna er skipulagt umhverfi, stuðningur til félagslegrar þátttöku og þekking starfsfólks á þörfum þeirra. Unglingar á einhverfurófi glíma oft við vanhæfni í félagslegum samskiptum og eru fastheldnir á daglegar venjur. Þetta gerir það að verkum að þátttaka í tómstundastarfi getur reynst þeim erfið. Hægt er að stuðla að aukinni þátttöku með því að veita unglingunum viðeigandi stuðning en jafnframt þarf að hafa í huga að þeir geta upplifað sig sem fullgilda þátttakendur með því að takast á við óhefðbundin verkefni sem eru aðlöguð að þeirra þörfum.

Authors dc:creator

• Guðný Björk Hallgrímsdóttir
• Svanborg Guðgeirsdóttir

Contributors dc:contributor

• Háskóli Íslands

• Þroskaþjálfafræði
• Handbók
• Sumarnámskeið
• Einhverfuróf
• Valdefling
• Ævintýranám

Language dc:language.iso

is

Handle dc:identifier.uri

http://hdl.handle.net/1946/6636

OAI identifier oai:identifier

oai:skemman.is:1946/6636