La voix de Nathalie Sarraute dans Enfance

Í þessari ritgerð er sjónum beint að sjálfsævisögunni Enfance [Barnæska] (1983) eftir franska rithöfundinn Nathalie Sarraute (1900-1999). Bókin var gefin út sem sjálfsævisöguleg frásögn og fjallar um fyrstu ellefu árin í lífi Sarraute. Rithöfundurinn byggir upp frásögnina með því að nota ljóðrænar aðferðir eins og sundurlaus skrif, leikrænar samræður tveggja radda í formi endurómsleiks þar sem fyrsta persónan „ég“ speglar sig í annarri persónu „þú“, notkun samheita til að lýsa tilfinningum, snúna tímaröð og þrípunkta til að merkja þögn í verkinu. Minningar höfundarins spretta upp úr tilfinningum sem koma fram skyndilega. Það eru tilfinningar sem grípa athygli Sarraute frekar en minningar úr fortíðinni þegar hún miðlar staðreyndum lífs síns og segir frá reynslu sinni. Þannig býr hún til eins konar nýtt form „nýja sjálfsævisögu“ í anda nýsögunnar (fr. „le nouveau roman“). Frásögnin er greind út frá sjónarhóli sjálfsævisagna og femínisma. Í samhengi við orðsifjar orðsins „enfance“ sem vísa til þess að vera „án raddar“ eða „raddalaus“ er sú tilgáta sett fram að megin inntak verksins felist í því að lýsa því hvernig litla Natacha fær rödd fullorðnar manneskju en um leið rithöfundarins sem hún síðan verður. Í ritgerðinni er verkið sett í samhengi strauma og stefna í skáldsagnagerð í Frakklandi á 6. áratug 20, aldar, og helstu kenninga um sjálfsævisöguleg skrif. Einnig er fjallað um fémínískar bókmenntagagnrýni og, kvennasögulegar hliðar verksins. Að auki er fjallað um helstu persónur bókarinnar og hlutverk þeirra í mótun og uppvexti Nathalie Sarraute.

Author dc:creator

• Alexander Linev 1967-

Contributors dc:contributor

• Háskóli Íslands

• Frönsk fræði

Language dc:language.iso

fr

Handle dc:identifier.uri

https://hdl.handle.net/1946/52617

OAI identifier oai:identifier

oai:skemman.is:1946/52617