Inngildandi móttaka í leikskóla: Stuðningur við erlend börn og fjölskyldur með áherslu á öryggistengsl og þátttöku

Á síðustu árum hefur börnum af erlendum uppruna fjölgað töluvert í leikskólum á Íslandi, sem kallar á markvissari og inngildandi móttöku fjölskyldna. Markmið þessa verkefnis er að skoða hvernig móttökuáætlanir geta nýst til að efla inngildingu barna og fjölskyldna af erlendum uppruna við upphaf leikskólagöngu. Verkefnið byggir á fræðilegri samantekt innlendra og erlendra heimilda um inngildingu, fullgildi, upplifun barna og foreldra af íslensku skólasamfélagi, hindranir í inngildandi skólastarfi og hlutverk starfsfólks. Leitað var svara við rannsóknarspurningunni: Hvernig geta móttökuáætlanir verið markvisst nýttar til að efla inngildingu barna og fjölskyldna af erlendum uppruna? Niðurstöður sýna að vináttutengsl, virk þátttaka foreldra og jákvætt samstarf milli heimilis og skóla skipti sköpum fyrir vellíðan og þátttöku barna. Jafnframt benda þær til þess að tungumálahindranir, fordómar, áföll, misræmi í væntingum, skert þekking starfsfólks og stuðningur við þau geti torveldað inngildingu. Hér er lögð áhersla á hvernig ígrunduð móttökuáætlun sem byggir á öryggi í samskiptum, gagnkvæmu samstarfi við fjölskyldur, menningarnæmum samskiptum og faglegum stuðningi við starfsfólk.

Author dc:creator

• Ester Lóa Guðmundsdóttir 1996-

Contributors dc:contributor

• Háskóli Íslands

• Leikskólakennarafræði
• Inngilding
• Leikskólar

Language dc:language.iso

is

Handle dc:identifier.uri

https://hdl.handle.net/1946/52435

OAI identifier oai:identifier

oai:skemman.is:1946/52435