Leitin að friði: Þorfinnur karlsefni og Vínland handan tímans

Í þessari ritgerð er rannsakað hvernig Þorfinnur karlsefni, bæði sem söguleg persóna og menningarlegt tákn, hefur endurspeglast og umbreyst í ólíku menningarlegu og hnattrænu samhengi. Með samanburði á fjórum helstu birtingarmyndum Þorfinns – í Íslendingasögum, íslenskri höggmyndalist, minnisvörðum í Bandaríkjunum og japanskri poppmenningu – er leitast við að varpa ljósi á samspil þjóðernisímyndar, menningarlegs minnis og hnattvæðingar. Frásagnir af Þorfinni, sem fyrst birtust í Grænlendinga sögu og Eiríks sögu rauða, hafa mótast í takt við kröfur tímans og ríkjandi hugmyndir, allt frá þjóðernissinnuðum túlkunum Íslendinga og Bandaríkjamanna yfir í nútímalegar, fjölþjóðlegar framsetningar í japanskri samtímamenningu. Rannsóknin sýnir hvernig miðaldapersóna fær nýtt líf sem þjóðartákn og hluti af alþjóðlegu menningarminni, meðal annars í verkum Einars Jónssonar, sem notaði söguleg og þjóðleg efni til að tengja fortíð og nútíð. Niðurstöðurnar sýna að menningarlegt minni um Þorfinn er sífellt endurskrifað, endurskapað og miðlað á nýjan hátt í gegnum bókmenntir, listir og fjölmiðla. Í öllum tilvikum stendur hann þó fyrir sama kjarna: leit mannsins að merkingu, framtíð og friði. Sérstaklega er dregið fram lykilhlutverk verks Makoto Yukimura, Vinland Saga, sem flytur norrænar hetjumyndir yfir menningarleg landamæri og tímabil, þar sem lesendur í Japan og annars staðar geta virt Þorfinn fyrir sér í nýju ljósi og tengt hann við samtímaumræðu um ofbeldi og siðferðileg álitamál. Að lokum leggur ritgerðin áherslu á að samstarf og samtal þjóða, í gegnum menningarlega endurvinnslu og vaxandi hnattvæðingu, liggi að baki þessum umbreytingum. Þannig finnur vonin um friðsælt sameiginlegt líf og framtíð sér farveg í túlkunum á Vínlandi og Þorfinni karlsefni, sem sameinar sögulegar rætur og nútímaleg samskipti.

Author dc:creator

• Atsuko Sato 1978-

Contributors dc:contributor

• Háskóli Íslands

• Íslenska sem annað mál
• Þorfinnur karlsefni

Language dc:language.iso

is

Handle dc:identifier.uri

https://hdl.handle.net/1946/51721

OAI identifier oai:identifier

oai:skemman.is:1946/51721