Próf á talnafærni við byrjun grunnskóla: Gerð, þáttaformgerð og áreiðanleiki

Talnafærni þróast snemma á lífsleiðinni og felur meðal annars í sér skilning á merkingu talna, talningu og stærðarmun. Við upphaf grunnskólagöngu hafa börn umtalsverðan skilning á tölum. Börn sem eiga í erfiðleikum með talnafærni snemma á skólagöngunni eru líklegri til að dragast aftur úr og því skiptir máli að greina slaka nemendur strax við upphaf grunnskólagöngu. Skimun getur hjálpað til við að bera kennsl á þessi börn en til þess þurfa skimunarpróf að vera áreiðanleg og greina vel á lægsta stigi kunnáttu. Í þessari rannsókn var kannað hvort hægt sé að nota verkefni úr prófþættinum Tölur til að greina nemendur með slaka talnafærni í fyrsta bekk í grunnskóla. Einnig var metið hvort nægi að nota eina niðurstöðutölu eða hvort nauðsynlegt sé að birta niðurstöður eftir undirþáttum. Alls tóku 161 nemandi í fyrsta bekk í grunnskólum á höfuðborgarsvæðinu þátt í rannsókninni. Notuð voru 20 atriði úr prófþættinum Tölur, sem valin voru út frá þyngdarstig sem samræmdist aldri og færni þátttakenda. Framkvæmd var staðfestandi þáttagreining og niðurstöður bentu til þess að ein undirliggjandi hugsmíð lægi að baki prófatriðunum. Ekki virðist þörf á að skýra niðurstöður sérstaklega eftir undirþáttum talnafærni. Við mat á mátgæðum líkansins var litið til USRMR, sem reyndist vera rétt yfir viðmiðunarmörkum (USRMR = 0,084). Niðurstöður sýndu að prófatriðin greina vel á milli nemenda með slaka og meðal góða færni. Skilyrtur áreiðanleiki var mikill (0,97) fyrir nemendur með meðalfærni og miðlungsmikill (0,77–0,91) á lægri hæfnistigum. Því virðist verkefni Talna henta vel til skimunar á nemendum með slaka talnafærni við upphaf grunnskólagöngu. Einnig bendir þáttabygging prófsins til þess að ein niðurstöðutala fáist úr prófinu.

Author dc:creator

• Ágústa Katrín Ólafsdóttir 1997-

Contributors dc:contributor

• Háskóli Íslands

• Sálfræði
• Talnaskilningur
• Grunnskólar

Language dc:language.iso

is

Handle dc:identifier.uri

https://hdl.handle.net/1946/50392

OAI identifier oai:identifier

oai:skemman.is:1946/50392