Alene på indlandsisen. En diskurs- og argumentationsanalyse

Ísinn bráðnar á norðurslóðum og nýjir möguleikar opnast fyrir norðurskautsþjóðir og önnur ríki. Nýjar siglingaleiðir hafa opnast og hráefni undir yfirborði jarðar eru orðin aðgengileg. Hvað þýðir þetta fyrir ríkjasamband Danmerkur, Færeyja og Grænlands, og þá sérstaklega samband Danmerkur og Grænlands? Ritgerðin fjallar um það sem, frá málfarslegu sjónarhorni, er í húfi á milli danskra og grænlenskra stjórnmálamanna í útvarpsumræðum um samband ríkjasambandsins við Bandaríkin og framtíð ríkjasambandsins. Hvaða orðræður nota danskir og grænlenskir stjórnmálamenn? Hvaða aðferðir má finna í röksemdafærslunni? Hver eru valdahlutföllin á milli rökræðanna? Fyrir hönd hvers er talað? Markmið ritgerðarinnar er að greina hvort tungumálið sem notað er í umræðunni sé háð langri sameiginlegri sögu Danmerkur og Grænlands eða hvort Grænland hefur styrkst af þróuninni á norðurslóðum þegar fjallað er um sambandið við Danmörku. Greiningartæki ritgerðarinnar eru orðræðukenning Ernesto Laclau og Chantal Mouffe eins og þau kynntu hana árið 1985 og röksemdalíkan Toulmins. Ritgerðin fjallar um tvö umræðuefni: tengsl ríkjasambandsins við Bandaríkin og framtíð ríkjasambandsins. Í ritgerðinni er að finna greiningu á orðræðum og röksemdafærslum sem þrír danskir og tveir grænlenskir stjórnmálamenn nota í umræðunni. Ritgerðin fjallar m.a. um sögu samband Grænlands, Danmerkur og Bandaríkjanna. Auk þess er þar að finna stutt yfirlit yfir þróun Danaveldis í sögulegu samhengi. Efni ritgerðarinnar er umræða á útvarpsstöðinni DR P1 sem var send út fljótlega eftir að Mike Pompeo, utanríkisráðherra Bandaríkjanna, heimsótti Danmörku. Heimsókn Pompeo var stuttu eftir að tilboði Trumps um að kaupa Grænland af danska ríkinu var hafnað. Niðurstaða ritgerðarinnar er að margar af þekktum orðræðum eru notaðar áfram á meðan aðrar hafa breyst, þar sem að Grænland hefur styrkst vegna mikilvægi þess á norðurslóðum. Hins vegar sýnir verkefnið líka að þegar röksemdafærslan er greind er enn ójafnt valdasamband þar sem grænlenskir stjórnmálamenn stilla málflutningi sínum í hóf. Orðræðugreiningin sýnir einnig að andstaða myndast í orðræðunni þar sem grænlenska þjóðin getur ekki náð fullri sjálfsmynd sinni sem sjálfstæð þjóð þar sem dönsk stjórnvöld hafa enn áhrif á hluta stefnunnar í grænlenskum málefnum.

Author dc:creator

• Thomas Ravnlökke Madsen 1974-

Contributors dc:contributor

• Háskóli Íslands

• Norðurlandafræði (námsgrein)

Language dc:language.iso

da

Handle dc:identifier.uri

http://hdl.handle.net/1946/42776

OAI identifier oai:identifier

oai:skemman.is:1946/42776