Áhrif ferðamanna á efnahag, umhverfi og menningu á Íslandi: Sjónarhorn mannfræðinnar

Í þessari ritgerð verða efnahags-, umhverfis-, félags- og menningarleg áhrif ferðamennsku á Ísland skoðuð út frá mannfræðilegu sjónarhorni. Byrjað verður á því að fjalla um upphaf og helstu einkenni ferðamennsku og síðan verður farið yfir samskipti gesta og gestgjafa og þau áhrif sem samfélög heimamanna geta orðið fyrir af völdum ferðamanna. Ferðamennska hefur færst verulega í aukana síðustu áratugi og hefur óneitanlega haft mikil áhrif á efnahag, menningu og allt umhverfi þjóðarinnar. Með tilkomu aukinnar ferðamennsku og áhrifa hennar, hefur áhugi mannfræðinga á rannsóknum á ferðamennsku aukist töluvert. Efnahagur, umhverfi og menning íslensks samfélags hefur breyst mikið með tilkomu ferðamennsku og flokkast áhrifin bæði á jákvæðan og neikvæðan hátt. Íslenskt efnahagslíf hefur notið góðs af ferðamennsku og aflar ferðaþjónustan á Íslandi meiri gjaldeyristekna en aðrar atvinnugreinar í landinu. Ferðaþjónustan í landinu hefur einnig skapað mörg atvinnutækifæri með tilkomu aukinnar ferðamennsku til landsins. Ferðamennska hefur töluverð áhrif á náttúrulegt umhverfi áfangastaða, sérstaklega ef mikil aðsókn er að svæðinu sem leiðir til þess að það verður undir auknu álagi. Borið hefur á auknum umhverfisvandamálum í kjölfar mikils straums ferðamanna til landsins sem hefur haft í för með sér töluverð neikvæð áhrif á náttúrulegt landslag. Jákvæð umhverfisleg áhrif ferðamennsku er að hún getur stuðlað að friðlýsingu svæða og einnig stuðlað að auknu aðgengi að náttúrulegum svæðum. Samskipti milli heimamanna og ferðamanna leiða oft til félags- og menningarlegra áhrifa þar sem venjur og gildismat getur breyst. Ferðamenn sýna menningu heimamanna oft mikinn áhuga og kynna þá um leið sína menningu sem getur leitt til nýjunga og betrumbætt staðbundna menningu. Aukin ferðamennska til landsins hefur stuðlað að aukinni vitund heimanna á náttúrulegri ásýnd landsins og hefur kennt Íslendingum að meta eigið land. Aukin ferðamennska getur einnig leitt til neikvæðra félags- og menningarlegra áhrifa og þolmörkum samfélags verið náð og verða þá innfæddir að aðlaga sig að breyttum aðstæðum og vandamálum sem verða til vegna ferðamanna.

Author dc:creator

• Rakel Egilsdóttir 1996-

Contributors dc:contributor

• Háskóli Íslands

• Mannfræði
• Ferðamennska
• Menningaráhrif
• Umhverfisáhrif

Language dc:language.iso

is

Handle dc:identifier.uri

http://hdl.handle.net/1946/35294

OAI identifier oai:identifier

oai:skemman.is:1946/35294