Tengsl íslenskra sósíalista við Sovétríkin. Þýðingar á skýrslum sendiherra Sovétríkjanna á Íslandi

Þessi meistararitgerð felur í sér þýðingu mína á eitt hundrað blaðsíðum úr skýrslum frá árinu 1962 sem sendiherra Sovétríkjanna á Íslandi, Alexandrov Alexandrov, ritaði og greinargerð um þessa þýðingu. Sendiherrann lýsir í skýrslunum samræðum sínum við ýmsa fulltrúa í Sósíalistaflokki Íslands. Sendiherrann og viðmælendur hans koma víða við og er rætt um stöðu stjórnmála á Íslandi, kosningar, efnahagsmál, utanlandsferðir, heimsmálin o.fl. Flestar skýrslurnar fjalla um samræður sendiherrans við formann Sósíalistaflokksins, Einar Olgeirsson, en einnig um samræður við þáverandi félaga í miðstjórn Sameiningarflokks alþýðu – Sósíalistaflokksins, Eggert Þorbjarnarson, þáverandi framkvæmdastjóra Máls og menningar, Kristin E. Andrésson og þáverandi varaformann Sósíalistaflokksins, Lúðvík Jósepsson. Fyrsti hluti ritgerðarinnar varpar ljósi á stöðu mála í Sósíalistaflokknum árið 1962 sem var viðburðarríkt fyrir flokkinn til þess að veita lesendum skýrslnanna innsýn sem ætti að auðvelda lestur skýrslanna og setur innihald þeirra í samhengi við atburði líðandi stundar á ritunartíma þeirra. Seinni hluta ritgerðarinnar er umfjöllun um texta- og orðræðugreiningu. Beint er sjónum að þýðingafræðilegum þáttum, greini orðræðuna í skýrslunum og fjalla um nokkra þætti textagreiningar sem er mikilvægt er að skoða áður en ráðist er í það verkefni að þýða texta. Ég styðst við skrif Þórunnar Blöndal og Beaugrande og Dressler um orðræðugreiningu, greiningu textategunda samkvæmt aðferð Katharinu Reiss og textagreiningu Christiane Nord. Ég fjalla um innri og ytri þætti eins og t.d. sendanda og markmið, viðtakendur og forþekkingu, orðaforða og uppbyggingu sem eru hluti af textagreiningu Christiane Nord og textategund samkvæmt Reiss. Ég fjalla einnig um þætti í orðræðugreiningu Þórunnar Blöndal eins og t.d. samloðun, aðstæðusamhengi, samfellu og samþykki, og textavensl.

Author dc:creator

• Sigurður Aron Árnason 1987-

Contributors dc:contributor

• Háskóli Íslands

• Þýðingafræði
• Textagreining
• Orðræðugreining

Language dc:language.iso

is

Handle dc:identifier.uri

http://hdl.handle.net/1946/34420

OAI identifier oai:identifier

oai:skemman.is:1946/34420