Markaðsáætlun Nicelands: Samkeppnisstaða og mögulegir viðskiptavinir

Það er mikilvægt fyrir fyrirtæki að gera góða markaðsáætlun til þess að skilja umhverfi sitt og sjá betur hvernig á að sinna viðskiptavinum sínum. Í þessari ritgerð var gerð markaðsáætlun fyrir innanhús vatnsrennibrautagarð sem ber heitið Niceland og er hugarfóstur höfundar, enn sem komið er. Lagt var mat á það umhverfi sem Niceland kæmi til með að starfa í og markaður Nicelands greindur. Leitast var annarsvegar eftir því að finna út á hverju samkeppnisstaða Nicelands byggist, hinsvegar eftir því hver væri sniðugasti markhópurinn fyrir slíkan garð og hvernig skyldi nálgast hann. Niðurstöður áætlunarinnar voru að samkeppnisstaða Nicelands kæmi til með að vera sterk þar sem engin sambærileg afþreying er í boði á Íslandi. Höfundur taldi best að markhópur garðsins væri annarsvegar Íslendingar á aldrinum 12-20 ára og hinsvegar Íslenskt fjölskyldufólk og að beita ætti tvennskonar markaðssetningu til að ná til þessara hópa. Vegna umfangs verkefnisins var hvorki framkvæmd fýsileikakönnun né fjárhagsáætlun, sem væri nauðsynlegt til að leggja mat á það hvort að Ísland sé í raun fýsilegur markaður fyrir slíkan garð.

Author dc:creator

• Skúli Arnarson 1995-

Contributors dc:contributor

• Háskóli Íslands

• Viðskiptafræði
• Samkeppni í viðskiptum
• Markaðsáætlanir

Language dc:language.iso

is

Handle dc:identifier.uri

http://hdl.handle.net/1946/32129

OAI identifier oai:identifier

oai:skemman.is:1946/32129