Áhrif stýrðrar kennslu Engelmanns og fimiþjálfunar á lestrarfærni 7 ára stúlku með miðlungs þroskahömlun

Stýrð kennsla Engelmanns (e. Direct Instruction) og fimiþjálfun (e. Precision Teaching) eru raunprófaðar kennsluaðferðir sem reynst hafa nemendum með námsörðugleika vel. Stýrð kennsla Engelmanns byggir á hröðum takti þar sem kennslan er brotin niður í vel afmörkuð þrep. Kennarinn leiðir nemendur í gegnum þrepin með markvissri stýringu og gætir þess að allir taki virkan þátt í kennslunni. Gengið er úr skugga um að færnin sé lærð áður farið er yfir í næsta þrep. Í fimiþjálfun fær nemandinn að æfa ný atriði sem talin eru lærð með því að renna yfir stuttar tímamældar æfingar. Með þessu er stuðlað enn frekar að fumlausri færni auk þess sem æfingarnar gefa góðan mælikvarða á hvernig námið gengur. Nemendur, bæði í almennri bekkjarkennslu og sérkennslu, hafa náð skjótum árangri þegar stýrð kennsla Engelmanns er notuð samhliða fimiþjálfun. Markmiðið með þessari rannsókn var að kanna áhrif stýrðrar kennslu Engelmanns og fimiþjálfunar á grunnfærni við hljóðun stafa hjá sjö ára stúlku með miðlungs þroskahömlun, dæmigerða einhverfu, athyglisbrest og flogaveiki. Niðurstöður sýndu að færni hennar jókst fyrir tilstuðlan þessara kennslu aðferða.

Authors dc:creator

• Steinunn Júlía Rögnvaldsdóttir 1993-
• Laufey Erla Jónsdóttir 1978-
• Erla Hrönn Unnsteinsdóttir 1993-

Contributors dc:contributor

• Háskóli Íslands

• Sálfræði
• Kennsluaðferðir
• Námssálfræði

Language dc:language.iso

is

Handle dc:identifier.uri

http://hdl.handle.net/1946/27828

OAI identifier oai:identifier

oai:skemman.is:1946/27828