Frá Bjólfi til Batman: Drekabanar í gegnum tíðina

Eins og nafn ritgerðarinnar bendir til er drekabanaminnið útgangspunktur þessarar rannsóknar, en hugmyndin var sú að bera saman drekabana fortíðar og einn helsta drekabana nútímans; Batman. Markmiðið ritgerðarinnar er að athuga sameiginleg einkenni þeirra, minni og samfélagsleg skilaboð. Ritgerðinni er skipt upp í þrjá hluta; fyrst er rannsóknarsaga þjóðsagnafræðinnar rakin, helstu fræðimenn hennar taldir upp og kenningar þeirra skýrðar. Þar á eftir eru uppruni og einkenni drekans rakin af bestu getu og Bjólfskviða, saga Sigurðar Fáfnisbana og Batman-sögurnar skoðaðar og bornar saman. Í lokin eru helstu atriði tekin saman og hefur rannsóknin leitt í ljós að þessar ólíku hetjur eiga það sameiginlegt að vera ungir að árum, einskonar óttalausir utangarðsmenn sem búa yfir ofurmannlegum eiginleikum og sigrast á andstæðingum sínum með bestu tækni mannsins á hverjum tíma. Drekinn er svo aftur á móti tákngervingur ótta mannsins við ringulreið og óstýriláta náttúruna, í hvaða mynd sem hún birtist. Með sigri á drekanum er röð og regla heimsins endurheimt og verðlaun hetjunnar eru meðal annars virðing og aðdáun samfélagsins.

Author dc:creator

• Theodór L. Helgason 1979-

Contributors dc:contributor

• Háskóli Íslands

• Þjóðfræði
• Drekar (kynjaverur)
• Hetjur

Language dc:language.iso

is

Handle dc:identifier.uri

http://hdl.handle.net/1946/21663

OAI identifier oai:identifier

oai:skemman.is:1946/21663