Expression of antimicrobial peptides in human lung tissue

Lunga mannsins er mjög flókið líffæri sem er samansett af pípulaga líffærakerfi sem tengist andrúmsloftinu í gegnum öndunarveginn. Í lunganu eiga sér stað loftskipti á súrefni og koltvíoxíði og þarf lungað því að hafa vel skipulagt ónæmiskerfi. Þegar lofti er andað inn í lungun fylgja mikið magn af utanaðkomandi örverum sem þarf að útrýma. Í þessarri rannsókn var návist örverudrepandi peptíðsins LL-37 í lungnavef og í lungnastofnfrumulínunni VA10 staðfest og tjáning LL-37 var betur skoðuð. Í ljós kom að LL-37 var tjáð á topplægum hluta þekjufrumna berkjunga, en þekjufrumur lungnablaðranna sýndu enga tjáningu. Þegar VA10 frumulínan var samræktuð með mónócýtum og fibroblöstum virtist tjáningin á LL-37 ekki aukast, en þegar frumurnar voru ræktaðar með IL-13 og IL-4, sem eru hlutar af áunna ónæmiskerfinu, minnkaði tjáningin á LL-37 töluvert. Þessi interleukin höfðu þó önnur áhrif á VA10 stofnfrumulínuna. Þegar frumurnar voru litaðar fyrir mucin kom í ljós að VA10 frumurnar geta sérhæft sig í bikarfrumur þegar þær voru örvaðar með bæði IL-13 og IL-4.

Author dc:creator

• Harpa Káradóttir 1991-

Contributors dc:contributor

• Háskóli Íslands

• Lífefnafræði
• Lungu
• Frumurannsóknir
• Ónæmisfræði

Language dc:language.iso

en

Handle dc:identifier.uri

http://hdl.handle.net/1946/15089

OAI identifier oai:identifier

oai:skemman.is:1946/15089