Skuldavafningar í innlendu og alþjóðlegu samhengi

Markmið þessarar ritgerðar er að benda á ástæður þess að markaðsverð skulda-vafninga endurspeglaðist ekki í raunveruleikanum, líkt og efnahagskreppan árið 2008 leiddi í ljós. Það er gert með því að skilgreina hugtakið skuldavafningur og lýsa þeirri aðferð sem kallast verðbréfun og er notuð til að búa til skuldavafninga. Þróun skuldavafninga verður sett í sögulegt samhengi til að varpa ljósi á hvernig þeir urðu til, hvers vegna og hvaða afleiðingar þeir höfðu á efnahgskerfið árið 2008. Þar sem ekki eru sérlög hér á landi um skuldavafninga þá snertir útgáfa þeirra fjölmörg réttarsvið. Fjallað verður um ákvæði laga sem við koma útgáfu skuldavafninga og alþjóðlegar reglur sem hafa verið settar um útgáfu þeirra. Enn fremur verður sett fram greining á áhættu af skuldavafningum og hvernig sé hægt að draga úr henni. Matsfyrirtækin spila stórt hlutverk við útgáfu skuldavafninga en þau gefa skulda-vafningum einkunn sem fjárfestar nota til að bera skuldavafninga saman við aðra fjárfestingarmöguleika. Matsfyrirtæki verða því að tryggja eins og unnt er að einkunnir þeirra endurspeglist í reunverulegu verðmæti skuldavafninga. Þá reynir á að matsfyrirtækin séu meðvituð um eiginleika skuldavafninga, áhættuna sem stafar af þeim og hvort útgáfa þeirra sé í samræmi við lög. Fjallað verður um starfsemi matsfyrirtækja, aðferðirnar sem þau nota til að framkvæma lánshæfis-mat skuldavafninga og lagaumhverfið sem þau starfa í. Að lokum verður fjallað um framtíð skuldavafninga og hvernig bregðast þurfi við göllum skuldavafninga, sem komu svo skýrt fram í efnahagskreppunni 2008, þannig að framtíð þeirra verði lífleg.

Author dc:creator

• Sigríður Dís Guðjónsdóttir

Contributors dc:contributor

• Háskólinn í Reykjavík

• Fjármunaréttur
• Verðbréf
• Lögfræði
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/9314

OAI identifier oai:identifier

oai:skemman.is:1946/9314