Peningastefna Seðlabanka Íslands og íslenski hlutabréfamarkaðurinn : áhrif óvæntra stýrivaxtabreytinga á ávöxtun hlutabréfa á Íslandi

Í þessari ritgerð er rannsakað áhrif óvæntra stýrivaxtabreytinga á ávöxtun hlutabréfa á Íslandi. Til að hægt sé að meta áhrifin á sem árangursríkastan hátt var gerð einföld aðhvarfsgreining sem innihélt líkan með og án verðbólgu. Einnig var gerð greining á áhrifum óvæntra og væntra stýrivaxtabreytinga og rannsakað hvaða stýrivaxtaákvarðanir virðast keyra viðbrögð hlutabréfamarkaðarins. Gerð var rannsókn á þróun óvæntra stýrivaxtabreytinga og áhrif þeirra á ávöxtun hlutabréfavísitölu á tímabilum fyrir og eftir heimsfaraldurinn Covid-19. Að auki var gerð greining þar sem metin voru áhrif alþjóðlegra markaðshreyfinga í samanburði við óvæntar stýrivaxtabreytingar og áhrif þeirra á ávöxtun íslenskra hlutabréfavísitölu. Í þeirri greiningu þá var notast við ávöxtun hlutabréfavísitölu S&P 500. Rannsóknartímabilið nær yfir 15 ár, frá 1. janúar 2010 til 31. desember 2025. Niðurstöður rannsóknarinnar leiddu í ljós að áhrif óvæntra stýrivaxtabreytinga hafa sterk áhrif á ávöxtun íslenskra hlutabréfa og sama niðurstaða heldur sér þegar tekið er tillit til verðbólgu. Greining á tímabilum fyrir og eftir heimsfaraldurinn sýndu að á tímabilinu fyrir heimsfaraldurinn héldust áhrifin eins en á seinna tímabili misstu stuðlar greiningarinnar tölfræðilega marktækni sína. Það útskýrist af fáum athugunum fyrir seinna tímabilið sem náði yfir árin 2020-2025. Þegar ávöxtun hlutabréfavísitölu S&P 500 var tekin með í greiningunni þá misstu áhrif óvæntra stýrivaxtabreytinga tölfræðilega marktæki sína, þær niðurstöður benda til þess að íslenski hlutabréfamarkaðurinn hreyfist að einhverju leyti í takt við alþjóðlegar markaðshreyfingar.

Authors dc:creator

• Dagmar Kaldal Ómarsdóttir 2003-
• Una Marín Guðlaugsdóttir 2002-

Contributors dc:contributor

• Háskólinn í Reykjavík

• Hagfræði
• Stýrivextir
• Hlutabréf

Language dc:language.iso

is

Handle dc:identifier.uri

https://hdl.handle.net/1946/53690

OAI identifier oai:identifier

oai:skemman.is:1946/53690