Forsendur endurbóta og viðhalds mannvirkja sem snerta innivist og orkunotkun á Íslandi

Þetta verkefni er hluti af alþjóðlega rannsóknarverkefninu RIAQ, styrkt af Northern Periphery and Arctic Programme og snýst um endurbætur íslenskra mannvirkja. Markmið rannsóknarinnar var að greina forsendur og hefðbundnar aðferðir í endurbótum og viðhaldi mannvirkja á Íslandi að mati fagmanna í byggingariðnaði, auk þess að taka fyrir eitt dæmi af húsi þar sem metin voru áhrif endurbóta á orkunotkun og loftgæði. Loftgæðin voru mæld á þremur stöðum í húsinu með ATMO Cube mæli, þar sem mælt var, koltvísýring, rokgjörn lífræn efnasambönd, svifryk, hitastig og rakastig. Orkuþörf hússins var reiknuð fyrir og eftir endurbætur. Niðurstöður sýndu að helstu ástæður endurbóta og viðhalds voru aldur byggingar og rakavandamál, en mestar framkvæmdir beindust að yfirborði byggingarhluta, svo sem klæðningu og gólfefnum. Þrátt fyrir að orkunýting hafi ekki verið aðalmarkmið, bendir rannsóknin til að hún sé oft bætt samhliða öðrum verkþáttum. Í húsadæminu reyndust loftgæðin að mestu undir viðmiðunarmörkum, þó með einstaka toppa. Vélræn loftræsing með 70 % varmaendurvinnslu hafði mest áhrif á bæði orkunýtingu og innivist.

Author dc:creator

• Heiðdís Tinna Guðmundsdóttir 2002-

Contributors dc:contributor

• Háskólinn í Reykjavík

• Byggingartæknifræði
• Endurbygging húsa
• Orkunotkun
• Viðhald
• Fasteignir
• Loftgæði

Language dc:language.iso

is

Handle dc:identifier.uri

https://hdl.handle.net/1946/51933

OAI identifier oai:identifier

oai:skemman.is:1946/51933