Áhrif stafrænna pöntunarkerfa á rekstur íslenskra þjónustufyrirtækja : samanburðar greining á tveimur heildsölum

Í þessari rannsókn eru skoðuð áhrif netverslunar á virðissköpun heildsala, með því að nýta virðissköpunarlíkan Amit og Zott, og viðskiptakostnaðarkenningu Oliver Williamson. Tilgangur rannsóknarinnar er að kanna hvernig netverslun bætir virðissköpun fyrirtækja og hvernig stjórnendur taka ákvarðanir útfrá stafrænni þróun. Rannsóknin byggir á tilviksrannsóknum á tveimur íslenskum heildsölum, sem eru þó ekki nafngreindir, og nýtir fjóra þætti virðissköpunarlíkans Amit og Zott: nýsköpun, hagræðingu, læsingu viðskiptavina og samlegðaráhrif, ásamt nýjum þætti, notendaupplifun, sem er mikilvægur þáttur í stafrænum viðskiptum. Einnig nýtir rannsóknin þrjá arma viðskiptakostnaðarkenningu Oliver Williamson, stigveldi, markað og blandað stjórnarform. Rannsóknin útskýrir hvernig fyrirtæki nýta netverslun til þess að bæta þjónustu og auka ánægju viðskiptavina, og hvernig viðskiptakostnaður hefur áhrif á ákvarðanir stjórnenda. Niðurstöðurnar sýna að netverslun getur haft veruleg áhrif á bæði hagræðingu og virðissköpun fyrirtækja. Netverslun auðveldar viðskipti, bæði fyrir fyrirtækin og viðskiptavini, viðskiptin taka almennt styttri tíma og eru þægilegri í afgreiðslu. Aðferðarfræðin byggist á gagnasöfnun og kóðun, sem veitir innsýn í hvernig viðskipti á stafrænum markaði eru stöðugt að móta íslenskan heildsölumarkað. Rannsóknin útskýrir einnig hvernig stjórnendur geta nýtt sér niðurstöður til stefnumótunar og ákvarðana.

Authors dc:creator

• Ástmar Kristinn Elvarsson 2004-
• Heimir Tjörvi Magnússon 2004-

Contributors dc:contributor

• Háskólinn í Reykjavík

• Viðskiptafræði
• Atvinnurekstur
• Þjónustufyrirtæki
• Heildsalar

Language dc:language.iso

is

Handle dc:identifier.uri

https://hdl.handle.net/1946/51345

OAI identifier oai:identifier

oai:skemman.is:1946/51345