Samskipti í fimleikum : áhrif þeirra á áhugahvöt og vellíðan

Viðfangsefni rannsóknarinnar var að kanna hvort samskipti milli þjálfara og iðkenda hafi áhrif á innri áhugahvöt og vellíðan kvenna sem æfa hópfimleika. Markmið rannsóknarinnar var að varpa ljósi á gæði samskipta og hvernig þau móta upplifun iðkenda innan íþróttagreinar sem krefst náinnar samvinnu. Rannsóknin var lýsandi þversniðsrannsókn og byggir á megindlegri aðferðafræði. Notast var við rafrænan spurningalista sem byggður var á stöðluðum mælitækjum (CART-Q og CBQ), aðlöguðum að hópfimleikum. Þátttakendur voru 12 konur á aldrinum 16-21 ársí meistaraflokki hjá fimleikafélaginu Gerplu. Helstu niðurstöður voru að innri áhugahvöt, svo sem ánægja, sjálfsþroski og tengsl við liðsfélaga, vega þyngra en ytri hvatar. Jákvæð samskipti tengdust sterkari innri hvatningu, en neikvæð samskipti höfðu mest áhrif á sjálfstraust og löngun til að mæta á æfingar. Einnig kom fram að þátttakendur treystu þjálfaranum frekar í líkamlegum aðstæðum en þegar kom að andlegri vellíðan. Meginályktun rannsóknarinnar er sú að árangursrík og meðvituð samskipti séu lykilatriði í að efla innri áhugahvöt og vellíðan iðkenda í hópfimleikum.

Author dc:creator

• Erika Eik Antonsdóttir 2003-

Contributors dc:contributor

• Háskólinn í Reykjavík

• Íþróttafræði
• Fimleikar
• Samskipti
• Þjálffræði
• Áhugahvöt
• Vellíðan

Language dc:language.iso

is

Handle dc:identifier.uri

https://hdl.handle.net/1946/50547

OAI identifier oai:identifier

oai:skemman.is:1946/50547