Innleiðing nýrra ESB reglna á sviði fjölmiðla í íslenskan rétt :tillaga að reglugerð Evrópuþingsins og ráðsins um að koma á sameiginlegu regluverki fyrir fjölmiðlaþjónustu á innri markaðnum (European Media Freedom Act)

Innleiðing nýrra ESB reglna á sviði fjölmiðlafrelsis í íslenskan rétt Tillaga að reglugerð Evrópuþingsins og ráðsins um að koma á sameiginlegu regluverki fyrir fjölmiðlaþjónustu á innri markaðnum (European Media Freedom Act) Skoðuð verður löggjöf á sviði fjölmiðlunar hér á landi. Hefur íslensk löggjöf verið uppfærð nægjanlega til að ná yfir nýjar áskoranir á sviði fjölmiðlunar og áherslubreytingar í dómaframkvæmd mannréttindadómstóls Evrópu? Einnig verður skoðað hvernig innleiðingu tilskipana Evrópusambandsins í íslenskan rétt er háttað. Hvernig hefur íslenska ríkið staðið sig við innleiðingar ESB gerða í landsrétt og er þörf á að Ísland endurskoði oftar lagaumhverfi hérlendis hvað við kemur fjölmiðlum, með tilliti til þeirra skyldna sem íslenska ríkið ber samkvæmt þjóðarétti á grundvelli EES-samningsins? Einnig verða skoðaðar helst aðgerðir ESB sem ætlað er að styrkja frelsi fjölmiðla og þær tillögur sem finna má í drögum að reglugerð um fjölmiðlafrelsi. Hvernig samræmast hugmyndir ESB um aukna vernd fjölmiðla, það er að segja tillaga að reglugerð Evrópuþingsins og ráðsins um að koma á sameiginlegu regluverki fyrir fjölmiðlaþjónustu á innri markaðnum (e. European Media Freedom Act), lögfestum reglum hérlendis sem ætlað er að tryggja fjölmiðlafrelsi? Með fjölmiðlalögum nr. 38/2011 voru gerðar margvíslegar breytingar til að samræma löggjöf breyttum áskorunum á sviði fjölmiðlunar, auk þess sem innleiddar voru kröfur tilskipunar 2007/65/EB. Íslenska ríkið þarf þó að endurskoða oftar löggjöf hér á landi er við kemur fjölmiðlum, í ljósi áherslubreytinga Evrópusambandsins. Innleiða þarf því örar EES-gerðir í landsrétt hérlendis. Almennt samræmist íslensk löggjöf þeim kröfum er tillaga Evrópuþingsins og ráðsins kveður á um, með undantekningum þó. Til að ná þeim markmiðum er í fyrsta lagi þörf á lögfestingu reglna sem skylda aðila sem sinna áhorfsmælingum til að veita upplýsingar um aðferðafræði. Í öðru lagi er þörf á lögfestum reglum er gera upplýsingar um úthlutun auglýsingatekna til fjölmiðla aðgengilegar. Í þriðja lagi er þörf á lögfestum reglum um skipunartíma stjórnarmanna Ríkisútvarpsins, að brottvísanir séu rökkstuddar og tilkynntar viðkomandi aðila, ástæður uppsagna séu gerðar aðgengilegar, auk skýrra heimilda til endurskoðunarvalds dómstóla.

Author dc:creator

• Kristín Þóra Jónsdóttir 1981-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Fjölmiðlaréttur
• Fjölmiðlalög

Language dc:language.iso

is

Handle dc:identifier.uri

http://hdl.handle.net/1946/44435

OAI identifier oai:identifier

oai:skemman.is:1946/44435