Nálgunarbann og brottvísun af heimili : uppfyllir íslensk löggjöf og framkvæmd ákvæði og markmið Istanbúl-samningsins?

Markmið ritgerðarinnar er að staðfæra hvort íslensk löggjöf og framkvæmd varðandi nálgunarbann og brottvísun af heimili nr. 85/2011 uppfylli ákvæði og markmið Istanbúl-samningsins um forvarnir og baráttu gegn ofbeldi á konum og heimilisofbeldi, varðandi brottvísun í neyð, nálgunarbann og aðra verndarúrskurði. Til að gera grein fyrir mikilvægi þessara úrræða í tengslum við ofbeldi gegn konum verður fyrst farið yfir skilgreiningar, afleiðingar og birtingarmyndir ofbeldis í nánum samböndum. Þá verður Istanbúl-samningnum gerð góð skil og því næst farið yfir aðdraganda og þróun löggjafar um nálgunarbann og brottvísun af heimili. Að lokum verður dómaframkvæmd síðustu ára skoðuð og litið til hinna Norðurlandanna varðandi sambærilega löggjöf, þróun og framkvæmd. Helstu niðurstöður ritgerðarinnar eru þær að úrræðunum um nálgunarbann og brottvísun af heimili má beita mun oftar en gert er nú þegar. Istanbúl-samningurinn tekur ofbeldi gegn konum mjög alvarlega og GREVIO, eftirlitsnefnd með Istanbúl-samningnum á vegum Evrópuráðsins, hefur gagnrýnt nágrannalönd okkar fyrir framkvæmd þeirra á samningnum, að þau gangi ekki nógu langt í að veita konum vernd gegn ofbeldi. Markmiðið með úrræðunum er að skapa fjarlægð á milli geranda og þolanda því það er talið vera ein áhrifaríkasta leiðin til að tryggja öryggi þolenda heimilisofbeldis. Öryggi þolanda skal vera í fyrirrúmi þegar gripið er til þeirra ráðstafana sem samningurinn gerir ráð fyrir. Til að hægt sé að auka notkun úrræðisins um brottvísun af heimili, þarf að efla fræðslu til almennings um tilvist úrræðanna og auka þekkingu lögreglu og dómstóla á eðli og afleiðingum þeirra brota sem krefjast þess að þessum úrræðum sé beitt. Þá þurfa að vera tiltækir gististaðir utan heimilis og meðferðarúrræði til að hætta að beita ofbeldi fyrir hina brottviknu.

Author dc:creator

• Arna Björg Jónasdóttir 1984-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Refsiréttur
• Nálgunarbann
• Heimilisofbeldi

Language dc:language.iso

is

Handle dc:identifier.uri

http://hdl.handle.net/1946/38709

OAI identifier oai:identifier

oai:skemman.is:1946/38709