Kærur og kvartanir á hendur lögreglu : rannsókn á málum Eftirlitsnefndar með störfum lögreglu

Markmiðið er að kanna umfang og eðli mála sem borist hafa nefnd um eftirlit með lögreglu, sem stofnuð var með lögum nr. 62/2016. Farið verður í forsögu og aðdraganda að stofnun nefndarinnar sem hóf störf þann 1. janúar 2017. Þá verður hlutverki nefndarinnar gerð skil. Til þess að varpa skýru ljósi á umfang og eðli mála nefndarinnar voru öll mál hennar skoðuð og greind. Farið verður yfir þróun nefndarinnar á þeim tæpu þremur árum sem hún hefur starfað. Til samanburðar er litið til hinna Norðurlandanna og fjallað um gildandi fyrirkomulag í hverju landi fyrir sig, varðandi meðferð kæra og kvartana á hendur lögreglu. Jafnframt verður farið yfir kynjahlutföll þeirra sem sent hafa erindi til nefndarinnar. Helstu niðurstöður rannsóknarinnar eru að þörf er á sérstökum vettvangi fyrir móttöku kæra og kvartana á hendur lögreglu, líkt og nefnd um eftirlit með lögreglu er. Aukning hefur verið á fjölda mála sem berst með hverju starfsári nefndarinnar og eru þau mörg hver ólík í eðli sínu. Allt frá því að varða minniháttar kvörtun yfir í það að innihalda alvarlegar ásakanir í garð starfsmanna lögreglu. Þá má sjá ákveðna þróun hjá nefndinni varðandi aukna greiningu á erindum og að hún hefur á sama tíma í auknu mæli ekki talið tilefni til að senda erindi til meðferðar. Ljóst er að nefndin hefur unnið þarft verk og augljóslega verið sá vettvangur sem borgaranum hefur hingað til skort, til að koma á framfæri kvörtunum sínum vegna refsiverðrar háttsemi eða ámælisverðrar starfsaðferðar starfsmanns lögreglu.

Author dc:creator

• Ellen Ósk Eiríksdóttir 1990-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Lögreglan
• Réttarkerfi
• Kærur

Language dc:language.iso

is

Handle dc:identifier.uri

http://hdl.handle.net/1946/34735

OAI identifier oai:identifier

oai:skemman.is:1946/34735