Viðhorf tónlistarmanna gagnvart vörumerkjum í lagatextum : samanburður við fræðilegar hugmyndir um vöruinnsetningar og viðhorf til vörumerkja

Markmið rannsóknarinnar var að rannsaka viðhorf tónlistarmanna gagnvart vörumerkjum í lagatextum og hvort þeir teldu vöruinnsetningar hafa áhrif á ímynd sína og trúverðugleika. Við verðum fyrir áreiti af markaðsskilaboðum í hinum ýmsu formum á hverjum einasta degi bæði meðvitað og ómeðvitað. Algengt er að heyra vörumerki nefnd í lagatextum og þá sérstaklega í hipp hoppi og rapptónlist og má sjá aukningu í sölu á lúxus tískuvörumerkjum sem þar eru nefnd. Rekstrarumhverfi tónlistarmanna hefur breyst gífurlega á síðustu árum með miklum samdrætti í plötusölu vegna tilkomu streymisveita og gæti því vöruinnsetning af þessu tagi verið ný tekjuleið fyrir þá. Tekin voru djúpviðtöl við sex íslenska tónlistarmenn með það markmið að finna út hvert viðhorf þeirra væri gagnvart vörumerkjum í lagatextum. Flestir viðmælenda sögðust myndu nefna vörumerki í lagatexta gegn greiðslu og nefndu allt frá 150.000 krónum upp í 1 milljón króna með mismunandi greiðslufyrirkomulagi. Þeir sögðust þurfa að meta hvert tilvik fyrir sig og það færi eftir því hvaða vörumerki ætti í hlut og hvort það passaði þeirra ímynd. Leitast var eftir því að tengja þessar hugmyndir tónlistarmannanna við fræðilegar hugmyndir um vöruinnsetningar og viðhorf til vörumerkja.

Author dc:creator

• Auður Brá Hermannsdóttir 1992-

Contributors dc:contributor

• Háskólinn í Reykjavík

• Viðskiptafræði
• Vörumerki
• Tónlist
• Söngtextar

Language dc:language.iso

is

Handle dc:identifier.uri

http://hdl.handle.net/1946/32196

OAI identifier oai:identifier

oai:skemman.is:1946/32196