Notendamiðuð geðheilbrigðisþjónusta : stefnumörkun og útfærsla

Fjallað er um geðheilbrigðisþjónustuna á Íslandi út frá skilgreiningu á notendamiðaðri geðheilbrigðisþjónustu. Tekin voru viðtöl við starfsfólk og notendur geðheilbrigðisþjónustunnar. Svör þeirra voru skoðuð í samhengi við gildandi opinbera stefnumörkun í geðheilbrigðismálum og líkan John P. Kotters um skilvirka breytingastjórnun. Niðurstaða rannsóknarinnar er að skipta megi notendamiðaðaðri geðheilbrigðisþjónustu í tvö stig, þar sem fyrsta stig gengur út á að aðlaga útfærslu þjónustunnar að þörfum notenda en annað stig gengur út á að valdefla notendur og styðja þá til bata samkvæmt batalíkaninu. Gildandi stefnumörkun á Íslandi um geðheilbrigðismál virðist ekki nægilega markviss með tilliti til notendamiðaðrar geðheilbrigðisþjónustu og þá sérstaklega þegar horft er til annars stigs. Skýrari sýn á breytingar er nauðsynleg ef taka á upp notendamiðaðar áherslur innan íslensku geðheilbrigðisþjónustunnar á skilvirkan hátt. Líta megi á íslenska stefnumörkun um krabbameinsmeðferð sem góða fyrirmynd að því hvernig innleiða megi slíkar áherslur í geðheilbrigðisþjónustunni með markvissum hætti.

Author dc:creator

• Halldór Auðar Svansson 1979-

Contributors dc:contributor

• Háskólinn í Reykjavík

• Verkefnastjórnun
• Meistaraprófsritgerðir
• Geðvernd
• Heilbrigðisþjónusta
• Breytingastjórnun
• Tækni- og verkfræðideild
• MPM
• Master of project management

Language dc:language.iso

is

Handle dc:identifier.uri

http://hdl.handle.net/1946/31311

OAI identifier oai:identifier

oai:skemman.is:1946/31311