Áhrif evrópskra samkeppnisreglna á nytjaleyfissamninga fyrir tækni : stefna og þróun innan Evrópusambandsins

Síðastliðinn áratug hefur markaðshagkerfi heimsins tekið miklum breytingum og hagnýting á nýsköpun hefur sjaldan verið mikilvægari. Samningar um nytjaleyfi fyrir tækni eru mikilvægur þáttur í hagnýtingu á nýsköpun og hefur því vægi slíkra samninga að sama skapi aukist. Markmið ritgerðarinnar er að skoða þau áhrif sem evrópskar samkeppnisreglur hafa á nytjaleyfissamninga fyrir tækni og þannig er leitast við að svara því í hvaða tilfellum nytjaleyfissamningar fyrir tækni kunna að brjóta gegn 1. mgr. 101. gr. TFEU. Umfjöllun ritgerðarinnar er skipt upp með þeim hætti, að fyrst verður farið yfir þróun innri markaðs Evrópusambandsins, evrópsks hugverkaréttar og samkeppnisréttar. Í kjölfarið verður fjallað um markmið og tilgang nytjaleyfissamninga, ásamt sérstakri umfjöllun um eiginleika nytjaleyfissamninga fyrir tækni. Þar á eftir verður fjallað um evrópskar samkeppnisreglur sem gilda um samninga milli fyrirtækja, með áherslu á 101. gr. TFEU, sem ætlað er að koma í veg fyrir auðhringjamyndun á innri markaði Evrópusambandsins. Að lokum verða tengsl milli evrópskra samkeppnisreglna og nytjaleyfissamninga fyrir tækni í framkvæmd skoðuð nánar. Í stuttu máli er það niðurstaða höfundar að sá þáttur sem einna helst hafi haft áhrif á gildi nytjaleyfissamninga fyrir tækni, sé sú hópundanþága sem þeim hefur verið veitt á grundvelli reglugerðar nr. 316/2014. Nytjaleyfissamningar fyrir tækni eru taldir þess eðlis, að þó þeir ættu alla jafna að teljast samkeppnishamlandi, þá geti það verið réttlæt á þeim grundvelli að þeir stuðli að efnahagslegum framförum. Innihaldi nytjaleyfissamningar fyrir tækni hins vegar tilteknar alvarlegar takmarkanir skal þeim ekki veitt undanþága. Þá hefur dómaframkvæmd Evrópudómstólsins einnig staðfest að samningar um nytjaleyfi fyrir tækni sem innihalda algjöran svæðisbundinn einkarétt skuli vera ógildir.

Author dc:creator

• Arna Hrönn Ágústsdóttir 1989-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Samkeppnisréttur
• Hugverkaréttur
• Viðskiptasérleyfi

Language dc:language.iso

is

Handle dc:identifier.uri

http://hdl.handle.net/1946/28298

OAI identifier oai:identifier

oai:skemman.is:1946/28298